Дар Бохтар чорабинӣ бахшида ба Ҳафтаи аврупоии иммунизатсия баргузор гардид

Имрӯз, 29-уми апрел, бо мақсади татбиқи ташаббусҳои Ҳафтаи аврупоии иммунизатсия, дар Филиали Муассисаи давлатии "Маркази ҷумҳуриявии иммунопрофилактика" дар минтақаи Бохтар чорабинӣ баргузор шуд.

Чорабинӣ дар доираи шиори имсола «Қудрати инсоният ба даст овардани фарогирии иммунизатсияи ҳамагонро дорад!» роҳандозӣ гардида, мақсади асосии он баланд бардоштани сатҳи маълумотнокии аҳолӣ оид ба аҳамияти ваксинатсия ва нақши он дар ҳифзи саломатии ҷомеа буд.

Дар рафти чорабинӣ мутахассисони соҳаи тандурустӣ оид ба муҳимияти ваксинаҳо дар пешгирии бемориҳои сироятии хатарнок, татбиқи Барномаи миллии иммунопрофилактика ва нақши ваксинатсия дар коҳиши сатҳи бемориҳои сироятӣ миёни аҳолӣ суханронӣ намуданд.

Ҳамзамон, тавассути намоишҳои фаҳмондадиҳӣ, саволу ҷавоб бо аҳолӣ ва тақсимоти маводи иттилоотӣ, аҳолии минтақа дар бораи зарурати сари вақт гирифтани ваксинаҳо, хусусан дар байни кӯдакон ва гурӯҳҳои осебпазир, маълумоти муфассал гирифтанд.

Чорабинии мазкур бо иштироки васеи кормандони соҳаи тиб, омӯзгорон ва масъулини Маркази ташаккули тарзи ҳаёти солимии вилояти Хатлон баргузор шуд.

Таъкид карда шуд, ки иммунизатсия дар баробари саломатии фардро муҳофизат кардан, барои эмин доштани ҷомеа аз бемориҳои хатарнок нақши муҳим мебозад.

Иммунизатсия кунед, то умри дарози солим ва хушбахтона дошта бошед!

Маҳмадализода Маҳмадалӣ "САФО"

Похожие новости:

Добавить комментарий

Ахбор

ФИДОИИ КАСБИ ХЕШ 13:59 КИШВАРИ САБЗ 13:50 Ба ҳам бошед, ёрон, дар муҳаббатхонаи ваҳдат 15:08 Чеҳраи хандони Тоҷик аз шарори Ваҳдат аст... 15:03 ВАҲДАТ 14:59 ВАҲДАТИ МИЛЛӢ — НАҶОТИ МИЛЛАТ 14:55 ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ ВАҲДАТИ МИЛЛӢ 14:35 РОНАНДАИ БАҲРӢ 17:38

Маҷаллаи №6-2019

Серхонандаҳо

СУХАНРОНИИ РАИСИ ВИЛОЯТИ ХАТЛОН МУҲАТАРАМ ДАВЛАТАЛӢ САИД ДАР ФОРУМ ВА НАМОИШГОҲИ БАЙНАЛМИЛАЛИИ САЙЁҲӢ “ХАТЛОН-ҚАЛБИ ГАРМИ САЙЁҲӢ” ШИНОСОИИ РАИСИ ВИЛОЯТ БО ЛОИҲАИ НАВИ БЕМОРХОНАИ КАСАЛИҲОИ ДИЛ ВА МАРКАЗИ ЭНДОКРИНОЛОГИЯИ ВИЛОЯТИ ХАТЛОН ДАР ШАҲРИ БОХТАР БЕШ АЗ 3 ТОННА МАВОДҲОИ ДОРУВОРӢ СӮЗОНИДА ШУД Хатлон. Беш аз 190 ҳазор нафар кӯдакону наврасон ба истироҳату фароғат фаро гирифта мешаванд ИДОМАИ САФАРИ КОРИИ РАИСИ ВИЛОЯТ БА НОҲИЯИ БАЛҶУВОН РАИСИ ВИЛОЯТИ ХАТЛОН АЗ ХОҶАГИИ ДЕҲҚОНИИ “СУРУШ” ДИДАН КАРД ТАҶДИДИ МАКТАБ, БУНЁДИ ИНШООТИ ВАРЗИШӢ ВА ТАҚВИЯТИ СОХТОРҲОИ ОТАШНИШОНӢ ДАР МАРКАЗИ ТАВАҶҶУҲИ РАИСИ ВИЛОЯТИ ХАТЛОН Ҷ. БАЛХӢ: БОЗДИДИ РАИСИ ВИЛОЯТ АЗ ҶАРАЁНИ ҶАМЪОВАРИИ ҲОСИЛ ВА КОРҲОИ СОЗАНДАГӢ Тоҷикистон ватанам Ёвон. Ҷалби беш аз 10 ҳазор кӯдак ба истироҳатгоҳҳо