Маҷаллаи Сафо
Шеъру адаб
Чеҳра
Маслиҳати муфид
Номаҳо
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ИДИ САИДИ ФИТР
Ҳамватанони азиз!
Ҳамаи шуморо ба муносибати фарорасии Иди саиди Фитр, ки яке аз ойини мубораки диниву эътиқодии тамоми мардуми шарифи кишвар ба ҳисоб меравад, самимона таҳният гуфта, ба хонадони ҳар фарди вилоят саодату тандурустӣ ва рӯзгори ободу осударо орзумандам.
Бояд гуфт, ки дар арафаи моҳи мубораки Рамазон ва айёми иди саиди Фитр ҳар як фарди бедордил кӯшиш мекунад, ки амали хайре анҷом диҳад, дили ятимону маъюбонро шод гардонад, ба беморон ва оилаҳои ниёзманду бесаробонмонда дасти кӯмак дароз намуда, соҳиби савоби бештар гардад.
Мусаллам аст, ки дар арафаи ид анҷом додани хайру садақот ва саховат кардан анъана ва суннати неке мебошад, ки мардуми мо ба он эътибори ҷиддӣ медиҳанд. Аз ҷумла, дар ояти 60-и сураи «Тавба»-и Қуръон омадааст, ки «Садақа аслан барои фақирон ва мискинон аст...»
Ҳоло ҷомеаи ҷаҳонӣ дар марҳилаи душвор ва пешгӯинашаванда қарор дошта, ҳар як сокини вилоятро зарур аст, ки беш аз ҳар вақти дигар барои ҳифзи Истиқлоли давлатӣ ва арзишҳои миллиамон талош намуда, ҷавонону наврасонро дар рӯҳияи ватандӯстиву ватанпарастӣ, аз худ намудани дониш ва касбомӯзӣ таълиму тарбия намуда, ҷиҳати пешгирӣ аз шомилшавии ҷавонон ба ҳизбу ҳаракатҳои ифротӣ чораҳои зарурӣ андешида, нагузорем, ки фирефтаи чунин гурӯҳҳо гарданд.
Дар ин маврид Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ ба муносибати фарорасии моҳи шарифи Рамазон таъкид намуданд, ки: «Дар шароити имрӯзаи ҷаҳон, ки ба инсоният буҳронҳои иқтисодиву иҷтимоӣ ва фарҳангиву маърифатӣ таҳдид менамояд, мо бояд арзишҳои миллӣ, фарҳангӣ ва эътиқодии худро ҳифз намоем. Вобаста ба ин, пеш аз ҳама, моҳияти аслии фарҳанги исломиро дуруст дарк карда, онро аз ҳама гуна андешаҳои нодурусту хурофотӣ пок нигоҳ дорем ва дар рӯҳияи инсони комил истифода намоем».
Ҳамзамон, дар ин рӯзи муборак бо дарназардошти душвориву мушкилоти дар миқёси ҷаҳон бавуҷудомада сарфаю сарриштакориро фаромӯш накунем, ба худнамоиву исрофкорӣ роҳ надиҳем ва дар зимни талаботи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» барои дастгирии ятимону маъюбон, ниёзмандону камбизоатон ва анҷом додани дигар амалҳои хайр кӯшиш намоем.
Ҳамватанони азиз!
Имрӯзҳо бо мақсади баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, тақвияти ҷаҳони маънавӣ миёни аҳолии вилоят, аз ҷумла наврасону ҷавонон бо дастгирӣ ва таваҷҷуҳи пайвастаи Ҳукумати Ҷумҳурии Тоҷикистон озмунҳои ҷумҳуриявии «Фурӯғи субҳи доноӣ китоб аст», «Тоҷикистон-Ватани азизи ман» ва «Илм-фурӯғи маърифат» баргузор гардида истодааст, ки маблағи ҳавасмандгардонии ғолибони даври ҷумҳуриявии озмунҳои зикргардида 100% зиёд гардида, ҷавонони моро зарур аст, ки аз имкониятҳои мусоид истифода намуда, дар озмунҳои ҷумҳуриявӣ иштирок ва савияи дониши худро боз ҳам баланд бардоранд.
Бо мақсади тарғиби китобхонӣ, инчунин рӯй овардани ҷавонону наврасон ва дигар қишри ҷомеа ба китоб дар вилояти Хатлон соли 2025 “Соли фарҳанги китобхонӣ” эълон гардида, дар ин самт тибқи нақшаи чорабиниҳои мақомоти иҷроияи ҳокимияти давлатии вилоят дар байни аҳолӣ корҳои тарғиботӣ ба роҳ монда шудааст.
Бояд гуфт, ки манзур аз талаби илм на танҳо илми динӣ аст, балки омӯзиши илмҳои муосир низ бар ҳамагон фарз аст. Дар ҳақиқат, омӯзиши илму дониши манфиатовар ва машғул шудан ба он ва таълим додани дигарон аз сифатҳоест, ки ҳар инсони оқил онро меписандад.
Итминони комил дорам, ки сокинони сарбаланду меҳнатқарини Хатлонзамин дар доираи дастуру ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо меҳнати аҳлона баҳри расидан ба ҳадафҳои ниҳоии давлату Ҳукумати кишвар заҳмат кашида, ташаббусҳои созандаро ба даст мегиранд ва дар таҷлили санаҳои муҳими таърихӣ, аз ҷумла истиқболи сазовори ҷашни бузурги миллӣ - 35-солагии Истиқлоли давлатии Ҷумҳурии Тоҷикистон саҳми шоистаи худро мегузоранд.
Бо умеди ободии Ватани азиз, пойдории сулҳу суботи комил ва ваҳдати сартосарии кишварамон бори дигар фарорасии Иди саиди Фитрро ба мардуми шарифи вилоят шодбош гуфта, ба ҳар як хонадони мардуми кишварамон сарсабзиву шодкомӣ, зиндагии ободу осуда ва ба Тоҷикистони маҳбубамон пешрафту шукуфоӣ таманно дорам.
Иди саиди Фитр муборак, ҳамдиёрони азиз!
Добавить комментарий
Ахбор
3 ҷоиза дар “Парасту-2025” 16:37«Фарҳанги мутолиа омили рушди устувори ҷомеа ва инкишофи тафаккури эҷодӣ» 16:31Беш аз 9 миллион гулу гулбуттаҳо шинонида мешавад 16:01Зиёда аз 717 ҳазор дарахт шинонида шудааст 11:50Фестивали вилоятии гулҳо-"Сайри гули лола" 16:21ҶАЛАСАИ ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН ДАР СЕМОҲАИ АВВАЛИ СОЛИ 2025 15:48Чор иншооти соҳаи тандурустӣ ба истифода дода шуд 15:03Фестивал намоишгоҳи байналмилалӣ баргузор гардид 14:16
Маҷаллаи №6-2019
Серхонандаҳо
ҶАЛАСАИ ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН ДАР СЕМОҲАИ АВВАЛИ СОЛИ 2025
Ҷ. Балхӣ. Бунгоҳи тиббии нав ифтитоҳ шуд
Бохтар. Чорабинии мудофиаи ҳудудӣ доир гардид
Дӯстӣ. Бунёди боз як иншооти соҳаи тандурустӣ
Бохтар. Кӯдакон соҳиби майдонаи варзишӣ шуданд
Панҷ. Пиёзи барвақтӣ ба бозор бароварда мешавад
СУХАНИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД ДАР ЧОРАБИНИИ РӮЗИ ДАЪВАТШАВАНДА
Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд
Хатлон. Дар майдони беш аз 9 ҳазору 900 гектар пиёз кишт шудааст
Фестивал намоишгоҳи байналмилалӣ баргузор гардид
