БАРОДАРОНИ ВАТАНПАРВАР

Барои ҷавонони даврони соҳибистиқлолии кишвар, ки баҳри илму касбомӯзӣ, тарбияи ҷисмонӣ ва дилхушию фароғаташон тамоми шароиту имконот фароҳам оварда шудааст, хизмат дар сафи Қувваҳои Мусаллаҳи Ҷумҳурии Тоҷикистон қарзи фарзандӣ аст - мегӯяд Сайфиддин Гулов, ки чанде пеш дар мавсими тирамоҳии даъвати ҳарбӣ якбора ду писарашро ба хизмати аскарӣ фиристод.

Бародарон Руслан ва Салам аз Ҷамоати деҳоти “Сарвати истиқлол”-и ноҳияи Кӯшониёнанд. Яке 23 ва дигаре 21 сола буда, баъд аз хатми муваффақонаи муассисаҳои таҳсилоти олии касбии кишвар ихтиёран ба хизмати ҳарбӣ сафарбар гардиданд.

Руслан таҳсилдидаи ихтисоси журналист-тарҷумони Донишгоҳи давлатии Бохтар ба номи Носири Хусрав асту Салам хатмкардаи бахши хадамоти гумруки Донишгоҳи молия ва иқтисоди Тоҷикистон мебошад.

Аз суҳбат бо падари ин ҷавонони ватанпарвар аён шуд, ки онҳо аз даврони мактаббачагӣ ба донишомӯзӣ рағбат дошта, ҳамчунин пайваста ба тарбияи ҷисмонӣ машғуланд.

-Ҳарду фарзандам мактаби миёнаро бо баҳои хубу аъло хонда, ба донишгоҳҳо дохил шуданд, – иброз менамояд Сайфиддин Гулов. - Чор сол аз ҳисоби буҷаи давлат таҳсилашонро идома дода, ҳар моҳ стипендия мегирифтанд. Пеш аз ба сафи Қувваҳои Мусаллаҳ пайвастан онҳо дар мактаби ронандагӣ низ ройгон таҳсил намуда, соҳиби шаҳодатнома гардиданд. Бо ин ҳама ғамхориҳо чӣ гуна фарзандонам хизмати Ватанро накунанд? – таъкид мекунад падари бародарони ватандўст ва ӯ меафзояд, ки бояд кулли ҷавонон ба қадри Сарвари ҷавонпарвару давлати ободу осоиштаи худ расанд. Зеро барои рушду камолоти ақлонию ҷисмонӣ ва маънавию фарҳангии онҳо дар ватани азизамон тамоми шароитҳо муҳайё карда шудааст.

Руслан ҷавони оромтабиат, вале хеле серғайрат аст, - мегӯяд падараш. Чанде пеш ӯ ба худ мақсад гузошт, ки бояд дар мақомоти ҳифзи ҳуқуқу тартибот кор кунад. Ва ҳамин тавр тасмим гирифт, ки ба хизмати ҳарбӣ рафта, баъд аз адои он нақшаву нияташро амалӣ намояд.

Салам бошад хизматро дар Артиши миллӣ ифтихори худ дониста, мегӯяд, ки баъд аз сарбаландона адо намудани қарзи фарзандии худ назди Модар-Ватан аз рӯи ихтисосаш ба фаъолияти касбии худ шурўъ менамояд.

Доир ба садоқату матонат ва шаъну шарафи ватандорӣ Руслану Салам ҳамфикранд. Онҳо бар ин андешаанд, ки хизмат дар Артиши миллӣ мактаби ҷавонмардӣ буда, обутоб ёфтан дар он ҳар нафарро дар ҳаёти мустақилона устувор ва қавӣ менамояд.

-Дар хизмати ҳарбӣ тавре падарамон ба мо гуфтааст, тартибу интизомро меомӯзем, донишамонро мукаммал мегардонем, ҷисман неруманд мешавем ва фикри солим доштанро аз худ менамоем – зикр менамоянд бародарон.

Ватанпарварию мардонагӣ ва майлу хоҳиши чунин ҷавонони бонангу номусро ба хизмати ҳарбӣ Пешвои муаззами миллат баҳои баланд дода, онҳоро дар қатори қаҳрамонони халқи тоҷик донистаанд, ки дар роҳи ҳимоят аз ватану миллати хеш ҷон нисор карда, имрӯз мояи ифтихори тамоми тоҷикистониён гардидаанд.

Тавре Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти мамлакат муҳтарам Эмомалӣ Раҳмон гуфтаанд: «Ҳифзи Ватан, ҳимояи манфиатҳои давлат, таҳкими истиклолият, амният ва иқтидори мудофиавии он вазифаи муқаддаси ҳар фарди ватандӯст мебошад» .

Дар ҳақиқат хизмат ба Меҳан шараф аст ва он ба ҳар кас ҳам насиб намегардад. Зеро дар ин масир танҳо нафароне буда метавонанд, ки онҳо зодгоҳ, диёр ва миллати хешро аз дилу ҷон дӯст медоранду онро бо сухани хушку холӣ не, балки бо амали ҷавонмардонаашон собит менамоянд.

Хурсандибахш аст, ки сол то сол шумораи чунин ҷавонони ватанпарвару меҳандӯст, ки бо ихтиёри худ барои адои хизмати ҳарбӣ, ҳамчун фарзандони муҳофизи диёр дар ҷузъу томҳои Вазорати мудофиа ва дигар мақомоти қудратию низомии кишвар сафарбар мегарданд, зиёд шуда истодааст. Ин раванд гувоҳи он аст, ки имрӯз шароити қисмҳои низомии мамлакат ба маротиб беҳтар гардида, ҳисси ватандӯстию хештаншиносии ҷавонон боло рафтааст.

М. АМОНҶОН

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ