Корзори ҳунар

Ҷалби занону духтарони ноҳияи дурдасти Носири Хусрав ба омӯзиши ҳунарҳои мардумӣ махсусан чеварӣ кори ниҳоят мушкил буд, - мегӯяд Шаҳло Турдиева, роҳбари коргоҳи дӯзандагии “Мақсуда”. – Зеро бонувони ин ноҳия бештар ба кори саҳроӣ одат карда, аз субҳ то шом баробари мардон дар замин заҳмат мекашанд. Дӯзандагӣ, ки одитарин шуғли занон аст, барояшон аз кишоварзӣ дида мушкилтар менамуд.

Зани хушзавқу доно Шаҳло Турдиева таъсисдиҳандаи аввалин ва ягона сехи дӯзандагӣ дар ноҳияи Носири Хусрав мебошад. Ӯ аслан сокини ноҳияи Данғара буда, қабл аз ин ҳамчун таъминкунандаи либосҳои мактабии хонандагони муассисаҳои таълимӣ тобистони ҳар сол дар ноҳияи Носири Хусрав фаъолият мекард. Баъдтар зарурат ба миён омад, ки дар инҷо низ коргоҳи дӯзандагии доимамалкунанда таъсис дода, талаботи ноҳия аз ҳисоби истеҳсоли худӣ таъмин карда шавад.

-Мо дар коргоҳи дӯзандагии “Каёнӯш”-и ноҳияи Данғара фаъолият мекардем ва бо пешниҳоди мақомоти иҷроияи маҳалии ҳокимияти давлатӣ соли 2018-ум корро дар ноҳияи Носири Хусрав низ оғоз намудем. Дар аввал бароямон хеле мушкил буд ва бо гузашти вақт мутобиқ шудем. Нахуст, мо шаш нафар яъзои як оила ба дӯхти либосҳои миллӣ пардохта, дар зудтарин фурсат мизоҷони худро пайдо кардем, - нақл мекунад ин дӯзандаи моҳир.

Ба гуфтаи Шаҳло Турдиева дар ноҳияи Носири Хусрав дӯзандагон ангуштшуморанд. Якчанд нафар дар хонаҳояшон чеварӣ мекунанду халос. Бонувонон барои дӯхтани либос то 15-20 рӯз, ҳатто як моҳ дар навбат меистанд. Ин аст, ки талабот ба хизматрасонии онҳо рӯз то рӯз меафзояд.

-Мо кӯшиш мекунем, ки дилхоҳ дархости мизоҷонро вобаста ба фаъолиятамон қонеъ созем. Ба ҷуз аз сарулибоси занонаю мардона ва кӯдакона ба омода намудани либосҳои махсуси соҳаҳои гуногун, аз ҷумла табибон, омӯзгорон, ҳарбиён ва кормандони хоҷагии манзилию коммуналӣ машғулем. Дар ҳамаи ҷашну маросимҳои миллӣ, бахусус Наврӯз тибқи фармоиш либосҳои идона омода менамоем. Айни ҳол ба муносибати 30-солагии Истиқлоли кишвар барои хонандагони чор муассисаи таълимӣ бо истифода аз нақшу нигори миллӣ либосҳои шинаму зебо омода намуда истодаем.

Ҳоло дар коргоҳи мазкур 20 нафар фаъолият мекунанд. Чеварон бо истифода аз дастгоҳу лавозимоти замонавӣ ба духти либосҳои мактабӣ банданд. Онҳо бояд то соли нави хониш панҷ ҳазор хонандаро ба либоси хушсифат таъмин намоянд, ки ин раванд тибқи нақшаи пешбинигардида идома дорад.

-Пеш аз он ки мо бо муассисаҳои таълимӣ шартнома бандем, бо волидайни хонандагон вохӯрда машварат мекунем ва фикру дархости онҳоро ба назар гирифта, сипас барои фарзандонашон либоси мактабӣ медӯзем, - мегӯяд Ш.Турдиева.

Сехи дӯзандагии “Мақсуда” на танҳо коргоҳи истеҳсолӣ аст, балки он ҳамчун маркази омӯзиши ҳунари дӯзандагӣ низ миёни бонувони ноҳия маъруф гаштааст. Бо муҳайё шудани шароити мусоиди корӣ, роҳандозӣ гардидани омӯзишҳои пай дар пайи касбӣ дар ин макон даҳҳо нафар занону духтарон нозукиҳои чевариро аз худ намуда, соҳибҳунар гаштаанд.

- Дар кадом вақт одам хушбахтии худро эҳсос мекунад? – суол медиҳанд ба сарватманде. Дар посух ӯ мегӯяд: -Дар пулу моли дунё, мошину манзил не, зеро ҳамаи онро дорам. Дар зиндагӣ танҳо дар як ҳолат худамро воқеан ҳам хушбахт ҳис кардам. Он ҳамон лаҳзае буд, ки ба кӯдаке либос ҳадя намудам ва ӯ ба ман нигариста гуфт: “Як бори дигар чеҳраатонро бинам, то дар хотирам монед ва вақте ки ин либосро ба бар менамоям, ба некӣ ёдатон кунам”- нақл кард аз қиссаҳои шунидаи худ Шаҳло Турдиева. Ин бонуи ҳунар мегӯяд, ки ҳамин қиссаи пандомўз барояш мисоли зиндагии хайр аст ва талош мекунад, ки сахӣ бошаду нафъаш ба касе расад.

Ӯ бар ин андеша аст, ки аз ҷониби Ҳукумати мамлакат эълон гардидани Солҳои рушди деҳот, сайёҳӣ ва ҳунарҳои мардумӣ баёнгари таваҷҷуҳи зиёди Роҳбари давлат муҳтарам Эмомалӣ Раҳмон ба зан-модари тоҷик буда, нишонаи қадрдонӣ ба ҳунари волои онҳо мебошад.

-Ин иқдоми наҷиб боис гардид, ки мо аз ҳарвақта дида бештар ба ҳунармандӣ машғул шуда, ба дастовардҳои меҳнатӣ ноил гардем. Имрӯз ҳар як зани соҳибҳунар на танҳо дар коргоҳ, балки дар шароити хона низ бо истифода аз ҳунари худ ба соҳибкорӣ машғул гардида, маҳсули дасташро ба фурӯш мегузорад, ки ин ҳам василаи баланд бардоштани сатҳи зиндагӣ ба шумор меравад», - афзуд ҳунарманд.

Аҳли заҳмати сехи дӯзандагии мазкур дар баробари зиёд намудани номгӯи хизматрасонии худ талош доранд, ки даромадашонро афзун намуда, аз ин ҳисоб боз ҳам таҷҳизоти нав ворид кунанд. Онҳо ният доранд, ки коргоҳашонро боз ҳам васеъ намуда, на танҳо ноҳияи Носири Хусрав, балки навоҳии атрофро низ фаро гиранд.

М. АМОНҶОН, н. Носири Хусрав

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ