Маҷаллаи Сафо
Шеъру адаб
Маслиҳати муфид
Номаҳо
75-солагии Сулаймон Эрматов таҷлил карда шуд
Бо доираи васеи ҳаводорони каломи бадеъ рӯзи 25-уми майи соли равон дар Қасри фарҳанги ноҳияи Қубодиён 75-солагии шоир, публисист ва нависандаи забардаст, Аълочии фарҳанг ва матбуоти Тоҷикистон, Барандаи ҷоизаи ба номи Абулқосим Лоҳутӣ Сулаймон Эрматов дар сатҳи баланд баргузор гардид.
Чорабиниро муовини аввали раиси ноҳияи Қубодиён Алиҷон Тоҷиев ифтитоҳ намуда, қайд кард, ки баргузор гардидани чунин маҳфилҳои адабӣ бо иштироки шоирону нависандагон ба такомули зеҳнии сокинон, алалхусус наврасону ҷавонон такони ҷиддӣ бахшида, дар замири онҳо шавқу рағбат ва мутолиаю эҷодкориро бедор месозад.
Муовини раиси Иттифоқи нависандагони Тоҷикистон Равшани Махсумзод зимни баромади хеш аз кору фаъолияти публисисти чирадаст, шоир ва тарҷумон Сулаймон Эрматов ва ёдовар гардида, хизматҳои арзандаи ўро дар тақвият бахшидани дӯстии халқҳои тоҷику ӯзбек назаррас арзёбӣ намуд.
Сулаймон Эрматов ба ҳаводори каломи бадеъаш шеъру таронаҳои тараннумкунандаи зебоиҳои диёр, Истиқлолияти Ватан, ва дӯстии халқҳои дӯсту бародари тоҷику узбекро қироат карда, ба ташкилкунандагони чорабинӣ изҳори миннатдорӣ баён кард.
Дар фарҷом аз ҷониби бахши фарҳанги ноҳия дастагули шеъру суруд аз эҷодиёти ин шоири ширинсухан пешкашӣ ҳозирин гардонида шуд.
Ёдовар мешавем, ки Сулаймон Эрматов 25-уми майи соли 1946 дар деҳаи Бошқалъаи ноҳияи Шаҳритус ба дунё омадааст. Номбурда муаллифи маҷмӯаҳои насрию назмии “Онагинам”, “Таманно”, “Садоқат гуллари”, “Модарам, ҷон модарам”, “Дунё ба кафи туст, модар”, “Бешкент тароналари”, дуҷилдидаи “Оила одоби” (“Одоби хонадорӣ”), “Ғизол парвози”, “Солиҳа аёл қисмати”, “Ҳомиджон Мамадов соғинчи”, “Қалбда ӯрик гуллади” ва “Ӯқувчи қизралнинг севги мактублари” буда, муаллифи нахустин китоби “Алифбо”-и ӯзбекӣ мебошад, ки қоидаҳои имлои забони тоҷикиро ба забони ӯзбекӣ мутобиқ гардонидааст. Китобҳои дарсии “Она тили”, “Ватан адабиёти”, “Одобнома” ва “Маърифати оиладорӣ” ба қалами ӯ тааллуқ доранд.
Ҳамчунин асарҳои бисёр адибони тоҷикро тарҷума ва ба китобҳои дарсии ӯзбекӣ дохил намудааст. Намунаҳое аз осораш ба забонҳои тоҷикӣ ва русӣ тарҷума шудаанд.
Сулаймон Султонов
Добавить комментарий
Ахбор
БАРОИ “БЕҲТАРКУНИИ НИЗОМИ ОБТАЪМИНКУНӢ ДАР НОҲИЯИ ЁВОН” 4,8 МИЛЛИОН ЕВРО ҶУДО МЕШАВАД 13:19ҶАВОН ВА ВАТАН: МАСЪУЛИЯТ, ДОНИШ ВА САДОҚАТ 15:04ХАТЛОН: НАЗДИК БА 80% ДУХТАРОНИ СИННИ 10 – 14-СОЛА ИММУНИЗАТСИЯ ШУДАНД 14:48ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД 15:15ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД 11:33ФАРРУХЗОДАҲОИ МИЛЛАТ 11:38ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ 11:25ЭЪЛОН. "ҚАЛАМИ ДОНИШҶӮ" 10:51
Маҷаллаи №6-2019
Серхонандаҳо
НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ВИЛОЯТИ ХАТЛОН ДАР ҚАЗОҚИСТОН БАРГУЗОР МЕГАРДАД
ЯК ВОЯИ GARDASIL САРАТОНИ ГАРДАНАКИ БАЧАДОНРО ПЕШГИРӢ МЕКУНАД
СЕМИНАРИ ОМӮЗИШӢ БО ҒОЛИБОНИ ОЗМУН
Бохтар. Бозсозии муҷассамаи Абӯабдуллоҳи Рӯдакӣ
РӮЗНОМАНИГОРИ БОХИРАДИ САДСОЛА
ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД
ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ
Иҷрои дурнамои ҷамъоварии пахта дар Леваканту Бохтар
КИТОБХОНАИ ОММАВИИ ВИЛОЯТИ ХАТЛОН ПАС АЗ БОЗСОЗӢ БО ИШТИРОКИ РАИСИ ВИЛОЯТ БА ИСТИФОДА ШУД
ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД
