БОЗДИД АЗ РАФТИ СОХТМОНИ БИНОИ НАВИ МАЪМУРИИ ҶАМОАТИ ДЕҲОТИ «ФАРХОР»

Дар партави тадбирҳои созандагиву бунёдкорӣ ба ифтихори 35-солагии Истиқлоли давлатии Ҷумҳурии Тоҷикистон раиси вилояти Хатлон Давлаталӣ Саид аз ҷараёни сохтмони бинои нави маъмурии Ҷамоати деҳоти «Фархор» боздид ба амал овард.

Тавре масъулин иттилоъ доданд, сохтмони иншооти мазкур соли 2022 оғоз гардида, дар масоҳати 0,20 гектар замин идома дорад.

Маблағи умумии лоиҳа беш аз 18 миллион сомониро ташкил дода, то 1 майи соли равон 59 фоизи корҳо ба анҷом расонида шудааст. Танҳо дар чор моҳи аввали соли 2025, беш аз 900 ҳазор сомонӣ барои анҷоми марҳилаҳои навбатии сохтмонӣ равона гардида, иҷроиш пурра таъмин шудааст.

Иншоот бо тарҳи муосири ҶСК “Корезлоиҳа” дар панҷ ошёна бунёд гардида, дар баробари фароҳам овардани муҳити кории замонавӣ барои кормандони мақомоти маҳаллӣ, ҳамчун маркази хизматрасонӣ барои аҳолӣ низ фаъолият хоҳад кард. Дар ошёнаҳои аввал утоқҳои корӣ ва толори маҷлис, дар сатҳҳои боло ошхона, дорухона, сартарошхона, мағоза, утоқҳои хоб ва шароити муносиб барои қабули меҳмонон пешбинӣ шудааст.

Айни ҳол корҳои калидии сохтмонӣ ба монанди насби тирезаҳо, рангубори дохилию берунии бино ва пушонидани бом анҷом ёфтаанд. Корҳо таҳти назорати фармоишгари лоиҳа Раёсати сохтмони асосии Мақомоти иҷроияи ҳокимияти давлатии вилояти Хатлон дар минтақаи Кӯлоб ва бо пудратчигии ҶДММ “Имрон иншоот” ҷараён доранд.

Гуфта мешавад, бино тибқи нақша дар семоҳаи чоруми соли 2025 ба истифода дода мешавад.

Иҷрои пурраи ин лоиҳа на танҳо сатҳи хизматрасонии мақомоти маҳаллиро боло мебарад, балки ба беҳтар гардидани зиндагии аҳолӣ ва рушду тавсеаи инфрасохтори деҳот такони ҷиддӣ хоҳад бахшид.

Хадамоти матбуоти раиси вилояти Хатлон

Похожие новости:

Добавить комментарий

Ахбор

АЗ УМЕД ТО ХАТАР 14:07 ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ҶАШНИ ТИРГОН 15:07 ВАҲДАТИ МИЛЛӢ РАМЗИ САОДАТИ НАСЛҲОИ ИМРӮЗУ ОЯНДА МЕБОШАД 15:05 ТОҶИКИСТОН ДАР ОИНАИ ВАҲДАТ 15:02 ВАҲДАТ – ПИРӮЗИИ ХИРАД БАР ТАФРИҚА 14:57 ДАҲСОЛАИ СУЛҲ: ЭЪТИРОФИ ҶАҲОНИИ ТАШАББУСИ ТОҶИКИСТОН 14:53 ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД 14:45 Қабули қатъномаи Тоҷикистон зери унвони “Даҳсолаи байналмилалии таҳкими сулҳ ба хотири наслҳои оянда” 26.06.2026 12:15

Маҷаллаи №6-2019

Серхонандаҳо

ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» ДОНОРОНИ ХУН ЗИЁД ШУДААНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД Ҷ. Балхӣ. Мумфаршкунии 6 километр роҳ оғоз гардид БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД