Фестивали тантанавӣ бахшида ба Рӯзи ҷаҳонии футбол дар варзишгоҳи “Вахш”

Бо ибтикори Клуби футболи “Вахш” ва ҳамоҳангӣ бо шуъбаи кор бо ҷавонон ва варзиши шаҳри Бохтар, ба ифтихори Рӯзи байналмилалии футбол дар варзишгоҳи марказии шаҳр чорабинии идона баргузор гардид.

Дар ин ҷашнвора роҳбари Раёсати кор бо ҷавонон ва варзиши вилояти Хатлон, намояндагони мақомоти иҷроияи маҳаллии ҳокимияти давлатии шаҳри Бохтар, бозингарони дастаи “Вахш”, кӯдакон, мураббиён, ҳаводорони футбол ва намояндагони ҷомеаи шаҳрвандӣ фаъолона ширкат варзиданд.

Фестивал бо намоишҳои варзишӣ, машқҳои оммавӣ, мусобиқаҳои шавқовар ва баромадҳои варзишии кӯдакон рангу таровати бештар пайдо кард. Ҳамчунин, ба кӯдакони ширкаткунанда туҳфаҳои ёдгорӣ супорида шуданд, ки лаҳзаҳои шодиву фараҳро барои онҳо фароҳам овард.

Дар доираи чорабинӣ Ҳикматулло Шамсуддинов, иҷрокунандаи вазифаи роҳбари дастаи “Вахш”-и шаҳри Бохтар, иброз дошт:

«Рӯзи 25 май ҳамчун Рӯзи ҷаҳонии футбол бо пешниҳоди Президенти Федератсияи футболи Тоҷикистон муҳтарам Рустами Эмомалӣ як падидаи муҳим ва сарнавиштсоз барои олами футбол маҳсуб меёбад.

Ин сана ба ҳайати дастаи “Вахш” рӯҳия ва неруи тоза мебахшад, то дар роҳи пешрафти футбол, таълиму тарбияи насли ҷавон ва баланд бардоштани маҳорати бозингарон талоши бештар намоем.

Мо, ҳамчун яке аз дастаҳои боэътимод ва пуршарафи кишвар, ҷонибдории самимии худро аз ин иқдоми дурбинона баён менамоем ва итминон дорем, ки Рӯзи ҷаҳонии футбол ба василаи рушди ҳамкориҳо, ҷалби наврасону ҷавонон ба футбол ва таҳкими мақоми Тоҷикистон дар арсаи ҷаҳонии варзиш табдил меёбад».

Чунин тадбирҳои варзишӣ бешубҳа ба густариши футбол дар сатҳи маҳаллӣ ва тарғиби ҳаёти солим миёни ҷавонон мусоидат менамоянд.

Похожие новости:

Добавить комментарий

Ахбор

БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД 13:21 АВФ – БАХШОИШЕ, КИ САРНАВИШТҲОРО ДИГАР МЕКУНАД 13:18 Тоҷикистон – Ватанам 15:38 РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД 14:39 ХОҲАРОНИ КИТОБХОН 13:16 ФОТЕҲИ ВАХШОНЗАМИН 13:10 НОРАК. 194 ИНШООТИ ТАЪИНОТИ ГУНОГУН БУНЁД ШУД 16:35 АЗ УМЕД ТО ХАТАР 14:07

Маҷаллаи №6-2019

Серхонандаҳо

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» ДОНОРОНИ ХУН ЗИЁД ШУДААНД БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД НОРАК. 194 ИНШООТИ ТАЪИНОТИ ГУНОГУН БУНЁД ШУД БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД РАИСИ ВИЛОЯТИ ХАТЛОН БО ПАЁМАДҲОИ ОФАТИ ТАБИӢ ДАР НОҲИЯИ ПАНҶ АЗ НАЗДИК ШИНОС ШУДАНД