23 май 17:17АСОСӢ / Ахбор / Варзиш / Ҷавонон / Иҷтимоъ

Ҷавонон- ояндасозони миллат

Ҷавонон ҳамчун неруи ояндасоз, дар рушду муаррифии шоистаи Тоҷикистони азиз, ҳифзи дастовардҳои миллӣ нақши муассир доранд. Ҳукумати Ҷумҳурии Тоҷикистон ва хоса Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон ба ҷавонон ҳамчун ояндасозони миллат таваҷуҳи беандоза зоҳир намуда, барои таълиму тарбия, дастгирӣ ва ҳавасмандгардонии ҷавонони лаёқатманд тадбирҳои зиёдеро амалӣ месозад.

Бо ибораи Президенти мамалакат Эмомалӣ Раҳмон- «Ҷавонон ояндаи давлату миллат, қувваи пешбарандаи ҷомеа ва захираи стратегии давлату Ҳукумати мамлакат мебошанд». Аз ин хотир ба ин қишри ҷомеа ҳамчун неруи ояндасоз таваҷҷуҳи махсус зоҳир мегардад.

Дар давоми солҳои соҳибистиқлолӣ дар мамлакат барои таҳсилу фаъолияти пурсамари ҷавонон тамоми имкониятҳо фароҳам гардидааст. Дар давоми се соли охир дар доираи Солҳои рушди деҳот, сайёҳӣ ва ҳунарҳои мардумӣ садҳо майдончаҳо, толорҳои варзишӣ ва маҷмааи варзишӣ барои машқу тамрин ва ташкили мусобиқаҳо мавриди истифода қарор гирифт. Барои дастгирию ҳавасмандии ҷавонони лаёқатманд стипендияҳои президентӣ, дар вилоят стипендияи раисони вилоят ва раисони шаҳру навоҳӣ таъсис гардидааст. Ҳамчунин беҳтарин ҷавонони соҳаҳои мухталифи хоҷагии халқи вилоят мунтазам ҳавасманд ва қадрдонӣ мегарданд.

Ҷавонони вилояти Хатлон дар баробари дигар ҷавонони саодатманди кишвар ҷавобан ба ғамхориҳои Ҳукумати кишвар рисолати ватандорӣ ва масъулияти худро дар назди халқу Ватан дарк намуда, дар ҳаёти сиёсию ҷамъиятӣ ширкати фаъолона доранд. Онҳо бо эҳсоси гарми ватандўстӣ бо иқдомҳои созандаву наҷиб дар ободонии Ватан нақши созгор доранд. Тавре зикр намудем, ба ифтихори 30-солагии Истиқлоли кишвар давоми се соли охир аз ҷониби соҳибкорони ҳимматбаланду саховатпешаи хатлонӣ садҳо иншоотҳои гуногун сохта ба истифода дода шуд, ки ба ин васила симои шаҳраку деҳоти вилоят ободу зебо ва даҳҳо нафар сокинон соҳиби ҷойи корӣ гаштанд.

Тибқи омори расмӣ шумораи умумии ҷавонони вилоят 1 026 15 нафарро ташкил медиҳад. Дар ҳайати кадрҳои роҳбарикунана 721 нафар ҷавонон фаъолият доранд.

Варзишгарони вилоят дар давоми чор моҳи сипаригардида аз мусобиқаҳои байналмилалӣ ва ҷумҳуриявӣ 120 медали тилло, 107 медали нуқра ва 145 медали биринҷӣ, дар маҷмуъ 372 медал ба даст оварданд, ки дар муқоиса ба ҳамин давраи соли гузашта зиёд аст.

«Сафо»

Похожие новости:

Добавить комментарий