ЛЕВАКАНТ ДАР МАСИРИ РУШД

Истиқлоли давлатӣ боис гардид, ки тадбирҳои ободонию бунёдкорӣ ҷиҳати беҳсозии вазъи кору хизматрасонӣ ва таъмини зиндагии шоистаи мардум дар тамоми шаҳру ноҳияҳои мамлакат тақвият ёбад. Имрӯзҳо баҳри сазовор истиқбол гирифтани ҷашни 35 - солагии Истиқлоли давлатии Ҷумҳурии Тоҷикистон дар саросари мамлакат корҳои ободонӣ вусъат ёфта, иншооти зиёди гуногун, ки боиси таҳкими инфрасохтори шаҳру ноҳияҳо мегарданд, бунёду навсозӣ мешаванд.

Дар қатори дигар шаҳру ноҳияҳо тадбирҳои созандагию бунёдкорӣ дар шаҳри Левакант низ бомаром идома дошта, дар натиҷаи андешидани тадбирҳои зарурӣ ин шаҳри зебо ба куллӣ симояшро дигар кардааст.

БУНЁДИ 71 ИНШООТ ДАР НАҚША

Тавре зимни суҳбат раиси шаҳри Левакант Мастура Табарӣ иброз намуд, шаҳри Левакант бо дастгириҳои ҳамаҷонибаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар қатори дигар шаҳру ноҳияҳои кишвар давоми солҳои охир ба дастовардҳои назаррасе ноил гардидааст. Таҳлили натиҷаҳои фаъолияти соҳаҳои иқтисодию иҷтимоии шаҳр гувоҳи он аст, ки заҳматкашони он дастуру супоришҳои Пешвои муаззами миллатро сармашқи кори хеш қарор дода, ҷиҳати ноил шудан ба нишондиҳандаҳои арзанда саъю талош менамоянд.

– Имрӯз ҷумҳурии азизамонро ба корзори бузурги сохтмонӣ шабеҳ мебинем, ки шаҳри Левакантро метавон амсилаи хурди он ном бурд. Бунёдкорӣ, махсусан солҳои охир дар раванди омодагиҳои умумимиллӣ ҷиҳати шоиста истиқбол намудани ҷашни 35 – солагии Истиқлоли давлатӣ равнақи тоза гирифта истодааст. Ба ин хотир Мақомоти иҷроияи ҳокимияти давлатии шаҳри Левакант то ҷашни 35 – солагии Истиқлоли давлатӣ сохтмони 71 иншооти таъйиноти гуногунро бо арзиши беш 1,7 миллиард сомонӣ ба нақша гирифтааст, ки аз ин шумора аллакай қисмати зиёди онҳо бунёд гардида, мавриди баҳрабардорӣ қарор дода шудаанд, – мегӯяд Мастура Табарӣ.

Ба иттилои ӯ аз иншооти банақшагирифташуда 14 иншоот ба соҳаи истеҳсолу саноат, 7 иншоот ба соҳаи кишоварзӣ, 10 иншоот ба соҳаи маориф, 1 иншоот ба соҳаи тандурустӣ, 6 адад ба соҳаи варзиш ва сайёҳӣ, 13 иншоот ба соҳаи роҳу нақлиёт, 1 адад ба соҳаи таъминот бо об ва 19 адади боқимонда ба дигар соҳаҳои иҷтимоию маишии шаҳр рост меоянд.

– Даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда баҳри пешрафти давлат ва ободии Ватан ба ҳисоб меравад. Барои ноил гардидан ба ҳадафҳои созанда ва бо мақсади вусъати корҳои ободонию созандагӣ, махсусан, дар деҳот, бо назардошти афзоиши аҳолӣ аз ҷониби мақомоти иҷроияи ҳокимияти давлатии шаҳр тамоми чораҳои зарурӣ андешида шуда, ҳамаи ҷаҳду талошҳои мо баҳри боз ҳам зебову дилрабо гаштани Ватани маҳбуб ва беҳтар шудани шароити зисту зиндагии сокинон равона карда шудааст, – гуфт дар идомаи суҳбат М. Табарӣ.

СОҲАИ САЙЁҲӢ ДАР МЕҲВАРИ ТАВАҶҶУҲ

Табиати биҳиштосои Тоҷикистон бо манзараҳои дилфиребу маконҳои сайёҳиаш феълан макони тамошобобе барои меҳмонони дохиливу хориҷӣ шудааст. Дар ин радиф шаҳри Левакант низ бо мавзеъҳои дилрабояш сайёҳони зиёди дохиливу хориҷиро ба худ ҷалб месозад.

Левакант дорои захираҳои бой ва мавзеъҳои нодир барои рушди сайёҳӣ буда, дар он имкониятҳои рушди сайёҳии экологӣ, агросайёҳӣ, истироҳатӣ, куҳнавардӣ, варзишӣ ва аспсаворӣ фароҳам мебошад.

Тавре Мастура Табарӣ мегӯяд, дар ҳудуди ҷамоатҳои шаҳраку деҳоти он мавзеъҳои таърихию сайёҳии зиёде мавҷуд буда, барои истироҳату фароғати сокинони маҳалливу сайёҳон тамоми шароити лозимӣ фароҳам оварда шудааст. Дар шаҳр 6 мавзеи сайёҳӣ, 10 хомстей, ду боғи фарҳангию фароғатӣ, ду осорхона, як китобхонаи марказӣ, ду меҳмонхона, як тарабхона, 14 ошхона ва 15 нуқтаи хизматрасонии бонкӣ тибқи талабот фаъолият намуда истодаанд. Инчунин, дар Ҷамоати деҳоти “Ваҳдат” – дар соҳили дарёи Вахш аз ҷониби соҳибкорони ватанӣ меҳмонхонаҳою мавзеъҳои фароғатӣ сохта шудаанд, ки ҳамарӯза барои қабули меҳмонон омода мебошанд.

Хулоса

– Дар маҷмуъ, дар шаҳри Левакант дар тамоми соҳаҳои иқтисодию иҷтимоӣ корҳои назаррасе ҷараён дошта, итминони комил дорем, ки сокинони заҳматқарини он дар партави дастуру ҳидоятҳои Пешвои муаззами миллат муҳтарам Эмомалӣ Раҳмон ба сӯи фардои нек ва дурахшон қадамҳои устувор мегузоранд. Ҳамаи ин гувоҳи он аст, ки сокинони шаҳр сиёсати хирадмандонаи Пешвои миллатро ҷонибдорӣ намуда, барои рушду шукуфоии ин гӯшаи зебои кишвар аз тамоми имкониятҳо истифода мебаранд, – гуфт дар фарҷоми суҳбат Мастура Табарӣ.

Сулаймон СУЛТОНОВ, ш. Левакант

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ