Маҷаллаи Сафо
Шеъру адаб
Чеҳра
Маслиҳати муфид
Номаҳо
ТАБИ ХУНИН ВА ПЕШГИРИИ ОН
Таби хунини Осиёи Марказӣ бемории шадиди вирусӣ буда, одамон дар натиҷаи газидани кана сироят меёбанд.
Ангезандаи таби хунрез вирусҳои аз ҷинси Nairovirus оилаи Bunуаviridae мебошад. Вирусҳои маризи дар организми ҳайвоноти ваҳшӣ ва хонагӣ (гов, буз ва гӯсфанд), ҳамчунин, канаҳо (20 намуд аз 8 ҷинс) вуҷуд дорад. Сироят дар натиҷаи газидани канаи НуаIomma plumbeum (дар Қрим), Н anafolicum (дар Осиёи Миёна, Африко) рух медиҳад. Таби хунрез бемории мавсимӣ буда, ҳини кору бор дар саҳро (моҳҳои июн - август) пайдо мешавад.
Давраи ниҳонии беморӣ аз 2-14 (ба ҳисоби миёна 3-5) рӯз аст. Давраи оғози беморӣ 3-6 рӯз идома хоҳад ёфт. Мариз ногаҳон табларза карда, ҳарорати бадан ба 39-40 С мерасад, ( миалгия ва артралгия), сар, гоҳо шикаму миён сахт ба дард медарояд. Даҳон хушкида, сар чарх мезанад. Бемор қай менамояд. Пас дар бадан, дасту пой доначаҳо медамад. Дар мавриди вазнин будани беморӣ аз вораҳои дандон, бинӣ, меъда, бачадон, рӯдаҳо ва шуш хун меравад. Таб 4-8 рӯз идома меёбад.
Ташхиси таби хунин дар асоси ташхиси вогирӣ ва озмоишҳои лабараторӣ, ҳамчунин ташхиси махсуси серологӣ, иммуноимиёнӣ, биологию молекулиярӣ, гоҳҳо намудҳои вирусиологӣ гузошта мешавад.
Оқибати маризӣ ҷиддӣ буда, фавт то 35-70 дарсад мерасад.
Таби хунин ба гурӯҳи беморони ниҳоят хавфнок дохил мешавад. Ҳатман бояд қоидаҳои пешгирӣ бо назардошти роҳҳои қатравӣ ва роҳҳои тамосиро риоя кунанд.
Беморро аз дигар беморон дар ҳуҷраи алоҳида мехобонанд. Кормандони тиб бо либосҳои муҳофизатӣ кор мекунанд. Барои кор бо бемор либосҳои алоҳида ва костюм табақи алоҳида ҷудо мекунанд. Ҷудо нигоҳ доштани беморон аз дигарон дар давоми 14- рӯз аз саршавии беморӣ давом мекунад. Одамоне, ки бо бемор дар тамос буданд дар давоми 14- рӯз назорат карда мешаванд ва 2 маротиба дар як рӯз ҳарорати онҳоро месанҷанд.
Бемор баъди муътадил шудани ҳарорати бадан, нишондодҳои хун, баъди 14-рӯз ба хона ҷавоб дода мешавад.
Дар вақти кор дар саҳро бояд либоси остиндароз пӯшида, кор кардан лозим аст. Ҳангоми дарёфти канаҳо дар ҳайвонҳо онҳоро бо пинсет канда сӯзонидан лозим мешавад. Дар фермаҳое, ки ба кана гирифтор будани ҳайвонҳо мушоҳида мегардад, корҳои безараргардонӣ гузаронидан зарур аст.
Ҳангоми дарёфти нишонаҳои дар боло зикркарда ҳатман ба духтури ҷои зист муроҷиат кардан лозим аст.
М. Бобоҷонов, духтури бемориҳои сироятӣ
(Акс аз интернет)
Добавить комментарий
Ахбор
Н.ХУСРАВ. АЗ НАҚША ЗИЁД ИНШООТ БУНЁД ШУД 15:23ШАҲРИТУС. ИСТЕҲСОЛИ МАҲСУЛОТИ КИШОВАРЗӢ АФЗУДААСТ 12:19ҚУБОДИЁН. СОҲИБКОРОН 68 КИЛОМЕТР РОҲРО МУМФАРШ КАРДААНД 10:16ПАНҶ. 189 ИНШООТИ ТАЪИНОТИ ГУНОГУН БУНЁД ГАРДИД 17:12ДАР НОҲИЯИ ҶАЙҲУН ОСОРХОНАИ ХУШТАРҲУ ЗАМОНАВӢ БУНЁД МЕШАВАД 14:30Ҷ. БАЛХӢ. 4 КОРГОҲУ КОРХОНАИ НАВИ САНОАТӢ БУНЁД ШУД 12:58ДӮСТӢ. ЗИЁДА АЗ 98 ФОИЗИ ИНШООТИ ҶАШНӢ БУНЁД ГАРДИД 10:54ВАХШ. БИНОИ НАВИ МАРКАЗИ САЛОМАТИИ НОҲИЯВӢ БУНЁД ШУД 16:44
Маҷаллаи №6-2019
Серхонандаҳо
ЗИЁДА АЗ 21 ҲАЗОР МЕТР СОҲИЛИ ДАРЁҲО ВА САДДҲОИ ДАР ҲОЛАТИ ХАВФНОК ҚАРОРДОШТА БАРҚАРОР ШУД
ПАЁМИ РУШД ВА ХУДШИНОСӢ
БЕШ АЗ 110 ҲОЛАТИ ҚОНУНВАЙРОНКУНӢ ОШКОР ГАРДИД
6 ҳазору 621 ҷиноят ба қайд гирифта шуд
ИҶРОИ БУҶЕТИ ВИЛОЯТИ ХАТЛОН ДАР СОЛИ 2025
41 ИНШООТИ СОҲАИ ТАНДУРУСТӢ БУНЁД ШУД
Соли 2025, 475 нафар кӯдакон ба истироҳатгоҳҳо фаро гирифта шуданд
ОЛИМПИАДАҲОИ ФАННӢ: НАТИҶАҲОИ ЧАШМРАС ДАР СОЛИ 2025
Бохтар соҳиби электробусҳои нави барқӣ мешавад
ДАР НОҲИЯИ ҶАЙҲУН ОСОРХОНАИ ХУШТАРҲУ ЗАМОНАВӢ БУНЁД МЕШАВАД
