ДАРУНРАВӢ ВА РОҲҲОИ ТАБОБАТИ ОН

Бо фарорасии фасли гармо бемориҳои мавсимӣ низ авҷ мегиранд. Яке аз ин бемориҳо сирояти шадиди меъдаю рӯда дар байни калонсолон ва кӯдакон мебошад, ки барангезандаҳои дарунравӣ бактерия ва вирусҳое ҳастанд, ки ба меъдаю рӯдаи инсон ба воситаи дастҳои ифлос дохил мешаванд. Аммо бештари волидайн ба ҳолати кӯдак аҳмияти ҷиддӣ надода, онро ба дандонбарории кӯдак рабт медиҳанд, ки оқибати ногувор дорад. Фавти кӯдакон аз ин гуна бемориҳо дар ҷои аввал меистад. Бинобар ин волидайнро мебояд, ки ҳангоми мушоҳидаи аввалин ҳолати шикамравии кӯдак сари вақт ба духтур муроҷиат кунанд.

Нишонаҳои бемории дарунравӣ кадомҳоянд?

- Наҷосати обакии чандкарата дар муддати кӯтоҳ.

- Наҷосати хунин.

- Дилбеҳузур шудани кӯдак ва пай дар пай партофтан

- Баланд шудани ҳарорати бадани кӯдак

- Кӯдак аз хӯрок хурдан даст кашад.

Дарунравӣ бадани кӯдакро дар муддати кӯтоҳ камоб мегардонад.

Ба кӯдакон ҳангоми дарунравӣ чӣ бояд диҳем?

Нигоҳубини кӯдакони бемор диққати ҷиддиро талаб мекунад. Ба кӯдакони синнашон аз шашмоҳа боло аз ҳар вақта бештар шири сина макондан лозим аст. Инчунин, маҳлули регидрон диҳед. Истеъмоли ҷурғот низ аз манфиат холӣ нест.

Ҳангоми дарунравӣ ба кӯдакон дар як рӯз на камтар аз 6 маротиба миқдори кофии хӯроки ҳархела додан лозим аст, то ин ки моддаҳои ғизодиҳандандаро дар ҷисми кӯдак ва вазни ӯро нигоҳ дорад.

Бе тавсияи кормандони тиб ба кӯдаки бемор ягон гуна дору ғайр аз ОРС надиҳед.

Тарзи тайёр кардани маҳлули регидрон.

Як халтача ОРС – ро кушода, хокаи онро ба банкаи 1 л андозед ва 1 л оби ҷӯшонидашудаи ширгармро илова кунед. Онро то ҳал шудани хока омехта кунед. Маҳлули тайёршударо фақат то 24 соат истифода баред. ОРС - ро ба кӯдак то қатъ шудани дарунравӣ додан лозим аст.

ОРС – ро ба кӯдак чӣ тавр додан лозим аст?

ОРС- и тайёршударо ҳар 2 дақиқа бо қошуқча ба кӯдак диҳед. Барои кӯдакони то синни 24 моҳа 50- 100 мл ( чоряк ё ним пиёла )

Ба кӯдаки синнаш аз 2 сола боло:

Аз 1 то 2 пиёла ( 100 – 200 мл ) баъд аз ҳар дарунравӣ нӯшонед.

Агар баъд аз истеъмоли ОРС кӯдак қай кард, то 10 дақиқа сабр кунед, баъд аз он оҳиста- оҳиста боз бинӯшонед.

Чӣ тавр пеши роҳи дарунравиро гирифтан мумкин аст?

Шаш моҳи аввал ба кӯдак фақат хӯроки навтайёркардашуда ва оби тозаи ҷӯшонидашуда диҳед;

Ҳангоми тайёр кардани ғизо ва додани таом ба кӯдак аз зарфҳо, пиёлаҳо ва қошуқчаҳои тоза истифода баред;

Дастҳоятонро пеш аз тайёр кардан ва хӯрдани хӯрок ва пас аз қазои ҳоҷат бо собун бишӯед ( ҳама аъзоёни оила );

Тавре дар боло қайд намудем волидонро мебояд, ки гигенаи шахсии кӯдаконро ҳатман риоя намоянд, тарзи дурусти ҳаёти солимро пеш баранд кӯшиш намоянд, ки ба кӯдакони худ хӯрокҳои серғизо диҳанд ва онҳоро пайваста ба варзиши бадан талқин намоянд.

Похожие новости:

Добавить комментарий

Ахбор

Тоҷикистон – Ватанам 15:38 РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД 14:39 ХОҲАРОНИ КИТОБХОН 13:16 ФОТЕҲИ ВАХШОНЗАМИН 13:10 НОРАК. 194 ИНШООТИ ТАЪИНОТИ ГУНОГУН БУНЁД ШУД 16:35 АЗ УМЕД ТО ХАТАР 14:07 ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ҶАШНИ ТИРГОН 15:07 ВАҲДАТИ МИЛЛӢ РАМЗИ САОДАТИ НАСЛҲОИ ИМРӮЗУ ОЯНДА МЕБОШАД 15:05

Маҷаллаи №6-2019

Серхонандаҳо

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» ДОНОРОНИ ХУН ЗИЁД ШУДААНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ НОРАК. 194 ИНШООТИ ТАЪИНОТИ ГУНОГУН БУНЁД ШУД РАИСИ ВИЛОЯТИ ХАТЛОН БО ПАЁМАДҲОИ ОФАТИ ТАБИӢ ДАР НОҲИЯИ ПАНҶ АЗ НАЗДИК ШИНОС ШУДАНД РАИСИ ВИЛОЯТИ ХАТЛОН АЗ РАФТИ КОРҲОИ КИШОВАРЗӢ ДАР НОҲИЯИ ПАНҶ БОЗДИД НАМУДАНД