Маҷаллаи Сафо
Шеъру адаб
Чеҳра
Маслиҳати муфид
Номаҳо
14 май 15:49АСОСӢ / Ахбор / Рушди деҳот, сайёҳӣ ва ҳунарҳои мардумӣ / Ҷамъият / Фарҳанг / Иҷтимоъ / Маслиҳати муфид
БАДАХШОН ДАР ХАТЛОН
Гулазор Гулшерова аз ҳунармандони чирадастест, ки дар ноҳияи дурдасти Носири Хусрав ҳунари бофандагиро рушд бахшида, бо ин васила урфу одати мардуми Вилояти Мухтори Кӯҳистони Бадахшонро муаррифӣ месозад. Муҳрабофию дӯхтани тоқию ҷӯробҳои бадахшӣ сабаб шуд, ки ӯ зиндагии созгоре, дур аз зодгоҳ ва хешу ақрабои хеш бунёд кунад.
Ин ҳунарманди асил ҳанӯз соли 2004 ҳамроҳи шавҳар ба ноҳияи дурдасти Носири Хусрав муҳоҷир шуда омада буд. Дар оғоз барои ӯ ва шавҳар унс гирифтану одат кардан дар боду ҳавои офтобии ин минтақа хело душвор буд.
– Вақте ки ба инҷо кӯчида омадем, барои таъмини бори рӯзгор, ҳунари бофандагии ман хуб мусоидат кард,-мегӯяд бону Гулазор. – Дар он шабу рӯз сокинони зиёди дигари ВМКБ низ ба ин водии офтобӣ муҳоҷир шуда буданд. Аз ин рӯ, дар он вақт ба фурӯш гузоштани маҳсули дастии мо, мушкиле пеш намеовард.
Ба нақли ин бонуи ҳунарманд чун урфу одати мардуми Бадахшон аст, ки дар пешорӯи иду маросимҳо пироҳанҳои гулдӯзиву дастпона, гарданбанди аз муҳраҳо бофташудаву тоқиҳои гуногунранги миллиро ба бар мекунанд. Аз ин рӯ, дар он замоне, ки мо ба ин минтақа кӯч бастем, талабот ба дастранҷҳои мо хеле зиёд буд. Ҳаминтариқ, ҳунари худро рушд бахшида, то имрӯз бо ин васила рӯзгори хешро пеш бурда истодаем.
Дар ноҳияи мо, қисми зиёди мардум ба кишоварзӣ машғуланду аз ҳисоби заминдорӣ рӯзгори хешро пеш мебаранд, – иброз медорад ҳунарманд Гулазор Гулшерова.
– Дар солҳои аввали ба ин минтақаи аграрӣ омаданамон мо таҷрибаи кор дар замин надоштем. Ҳунари бофандагӣ василаи рӯзгузаронии мо буд. Хушбахтона, ҳоло дар корҳои саҳроӣ низ таҷриба дорем ва ҳунари бофандагиро рушд бахшида, шогирдони зиёде омода намудаем.
Ба гуфтаи ин зани ҳунарманд маҳз ташвиқу тарғиби ӯ буд, ки бонувону гулдухтарони зиёди маҳалла пеши вай шогирд истода, ҳунари бофандагиро аз худ карданд. Ҳоло дар баробари ӯ занҳои хатлонӣ ҳам аллакай ҳунари бофтани гарданбанду дастпона ва дӯхтани тоқию пироҳанҳои бадахширо аз худ кардаю ҷӯроб ҳам мебофанд.
– Шукронаи сулҳу субот ва тинҷию тифоқии сокинони Тоҷикистон, ки имрӯз мо дар дилхоҳ маҳал метавонем зисту зиндагонӣ намоем, – мегӯяд бонуи Гулазор. - Хушбахтона, имрӯз мо сокинони маҳалҳои гуногун дӯсту тифоқ ҳастем.
Ба андешаи бону Гулазор онҳо низ эҷодкоранд. Чун бо диду нигоҳи ба худ хос ва завқу ҳавас дар руйи матоъ гул, бо риштаҳои ранга ҷӯроб ва бо муҳраҳои гуногун гарданбанду дастпонаҳои ороишдиҳанда меофаранд. Ба гуфти ӯ ҳар нафаре, ки диди эҷодкорӣ надорад, ҳунарманд шуда наметавонад. Аз ин ҷо танҳо онҳое дар ин ҷода муваффақ мегарданд, ки аз меҳру муҳаббати беандоза ба ин ҳунарҳои мардумӣ сабру таҳаммулро пеша мекунанд.
Гулазор Гулшерова сокини деҳаи “Бадахшон”-и Ҷамоати деҳоти “Фирӯза”- и ноҳияи Носири Хусрав аст. Зиёда аз 20- сол боз ба бофандагӣ машғул асту дур аз зодгоҳи кӯдакии хеш, урфу одат ва фарҳангу маданияти мардуми кӯҳистони Роштқалъаи ВМКБ-ро миёни ҷавондухтарону сокинони маҳалли зисташ, ташвиқу тарғиб мекунад. Мувофиқ ба анъанаю суннатҳои мардуми кӯҳистон барои наварӯсон тоқию ҷӯроб, муҳраю рӯймолчаҳои зебо меофарад ва ҳам даҳҳо тан гулдухтарони маҳаллиро соҳибҳунар мегардонад. Аз баракати ин ҳунари аҷдодӣ сатҳи зиндагии хешро беҳтару хубтар намуда, ҳамзамон ҳунарҳои ниёгонашро ба ҳамсояву ҳамдиёронаш меомӯзад.
Низоми ИСО, ноҳияи Носири Хусрав
Добавить комментарий
Ахбор
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД 14:06ТАРБИЯИ МАЪНАВӢ – ВАСИЛАИ МУҚОВИМАТ БО ИФРОТГАРОӢ 14:00К И Т О Б Д О Р 13:56ХАТЛОН. ДАВРИ ВИЛОЯТИИ ФЕСТИВАЛ-ОЗМУНИ ҶУМҲУРИЯВИИ «ЯК МАТОВУ САД РАНГ» 13:50РИШТАИ МЕҲР 13:44УСТОДЕ, КИ АЗ ХУД МАКТАБ ГУЗОШТ 14:16САРГУЗАШТИ ИБРАТОМӮЗИ ХАБИСА ХОЛОВА 13:39ҶАЛАСАИ КОРИИ РАИСИ ВИЛОЯТИ ХАТЛОН: БАРРАСИИ КАМБУДИҲО ВА СУПОРИШҲОИ ҚАТЪӢ 13:34
Маҷаллаи №6-2019
Серхонандаҳо
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД?
ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД
КӮШОНИЁН. 369 НАФАР БО ҶОЙИ КОР ТАЪМИН ГАШТАНД
ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД
ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД
МОДАР
ХАТЛОН. ИСТИҚБОЛИ САРБОЗИ ШУҶОИ ВАТАН
ШАБАФРӮЗ: БОНУЕ ДАР МАСИРИ ЭҶОД
ЗАН ДАР МАЪБАДИ КИТОБ
