Маҷаллаи Сафо
Шеъру адаб
Чеҳра
Маслиҳати муфид
Номаҳо
Истиқлолият омили шукуфоиву саодати миллат аст
Истиқлолияти давлатӣ арзишмандтарин неъмати беназир барои миллати тоҷик аст, ки он аз орзуву ормонҳои ҳазорсолаи гузаштагони мо сарчашма мегирад. Ин рӯйдоди фархунда ба санаи 9- уми сентябри соли 1991 рост меояд, ки дар саҳфаҳои таърихи тоҷикон бо ҳарфҳои заррин ҳаккокӣ гардидааст.
Бо шарофати Истиқлолияти давлатӣ ва фазои амнияту субот мо рӯ ба арзишҳо ва асолати миллии хеш оварда, бо ташаббусҳои ояндасозу ҳидоятҳои хирадмандонаи Пешвои муаззами миллат муҳтарам Эмомалӣ Раҳмон дар радифи дигар дастоварду комёбиҳои беназир ба хотири ҳифз, рушд ва эҳёи фарҳанги таърихи халқи куҳанбунёдамон ва анъанаҳои мардумӣ корҳои бузургеро ба сомон расонидаем.
Чуноне ки Муҳаммад Иқболи Лоҳурӣ фармудааст:
Худо он миллатеро сарварӣ дод,
Ки тақдираш ба дасти хеш бинвишт.
Ба он миллат сару коре надорад,
Ки деҳқонаш барои дигарон кишт.
Воқеан ҳам дар солҳои Истиқлолияти давлатӣ баҳри таъсис ва бунёди муассисаҳои илмӣ- фарҳангӣ - китобхона, осорхона, театр, қасрҳои фарҳанг ва дигар марказҳои маърифатӣ шароиту имкониятҳои мусоид фароҳам омад.
Аз ҷумла, имрӯзҳо дар доираи омодагиҳо ба ҷашни 35-солагии Истиқлолияти давлатии Ҷумҳурии Тоҷикистон дар китобхонаи марказонидашудаи шаҳри Бохтар тадбирҳои зиёде амалї мешавад.
Қобили зикр аст, ки айни замон хазинаи китобхонаи марказии шаҳри Бохтар ва зертобеи он 53 726 нусхаро ташкил медиҳад, ки аз онҳо 30 000 номгў китобҳои электронӣ мебошанд.
Дар радифи иқдомҳои ҷиҳати ҷалби таваҷҷуҳи ҷомеа ба китобу китобхонаҳо ҳамзамон, бахшида ба ҳама ҷашнҳои миллӣ пайваста фестивалу озмунҳо баргузор менамоем. Дар ин росто, кормандони китобхонаи марказонидашудаи шаҳри Бохтар ба номи Камоли Хуҷандӣ дар баргузории озмуни ҷумҳуриявии “Фуруғи субҳи доноӣ китоб аст”, ки бевосита таҳти таваҷҷуҳи бевоситаи Пешвои миллат Эмомалӣ Раҳмон роҳандозӣ гардидааст, саҳми босазои худро гузошта истодаанд. Дар ин самт мо кормандони китобхона хизматрасонии сайёри китобро ба мардум роҳандозӣ намудем, ки самараи хуб ба бор овард.
Дар ҳақиқат китоб раҳнамо, донишафзо ва ҳамдаму ҳамнишини ҳамагон буда, дирӯзу имрӯз ва фардои ҷомеаро инъикос менамояд. Аз ин лиҳоз, ҳар қадар, ки доираи хонандагону ҳаводорони китоб зиёд гарданд, ҷомеа бештар рушду пешрафт хоҳад кард.
Мавриди зикр аст, ки бо шарофати соҳибистиқлолӣ ва таваҷҷуҳи пайвастаи Пешвои муаззами миллат ҳамаи соҳаҳои хоҷагии халқи кишвар, аз ҷумла соҳаи фарҳанг хеле рушд ёфт. Дар ин давра теъдоди нашриёту чопхонаҳо батадриҷ афзуда, сол аз сол аз ҳисоби адабиёти тозанашр хазинаи китобхонаҳои оммавӣ афзун мегардад.
Ҳамзамон, сол аз сол дар кишвари соҳибистиқлоли мо таваҷҷуҳ ба китобу китобхонаҳо меафзояд, ки ин аз ояндаи дурахшони ҷомеа ва давлати мо дарак медиҳад, чаро ки муҳимтарин василаи маърифатнокии аҳолӣ, тарбияи ҷомеа дар руҳияи арзишҳои муҳимми миллату давлатдорӣ ин ҷалби таваҷҷуҳи мардум ба мутолиаи китоб аст. Маҳз қудрати бузургу беназири илму донишандӯзӣ буда, ки бузургони илму ирфон таълими инсониятро бо паёми “Бихон!” оғоз бинмудаанд.
Қурбонгул Раҷабзода, директори Китобхонаи марказонидашудаи шаҳри Бохтар
Добавить комментарий
Ахбор
АНҶИР: ҲАМ ҒИЗО, ҲАМ ДАВО 11:36ХӮРИШ АЗ АНҶИР 11:33НӮШОБА АЗ АНҶИР 11:30ХУШХАБАР. ЧИЛ (КАБКИ ЗИРАК) ПАРАНДАИ СОЛИ 2026 ЭЪЛОН ШУД 11:22БОХТАР – АЗ ТАШАББУС ТО ТАБОБАТИ МУОСИР 11:17ТАҚДИМИ ТУҲФАИ ПЕШВОИ МИЛЛЛАТ -"ШОҲНОМА"-И ҲАКИМ ФИРДАВСӢ БА СОКИНОНИ НОҲИЯИ КӮШОНИЁН 11:27То, эй ғазал, ба гуфтанат оғоз кардаам 11:25БОХТАР. ДАР ДАҲ МОҲ 43 ИНШООТ БУНЁД ШУД 14:20
Маҷаллаи №6-2019
Серхонандаҳо
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА ИФТИХОРИ РӮЗИ ПРЕЗИДЕНТИ ҶУМҲУРИИ ТОҶИКИСТОН
ФЕСТИВАЛИ ВИЛОЯТИИ "ЛИБОСИ МИЛЛӢ - ОСОРИ ТАМАДДУНИ ҶАҲОН" ДАР ВИЛОЯТИ ХАТЛОН
ЁВОН. БЕШ АЗ 60 КИЛОМЕТР РОҲ МУМФАРШ КАРДА ШУД
“ШОҲНОМА” БА БОХТАР ҲАМ РАСИД
ОЗМУНИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН БАРГУЗОР ГАРДИД
Тақдими “Шоҳнома” ба сокинони ноҳияҳои Вахшу Абдураҳмони Ҷомӣ
БОХТАР. ДАР ДАҲ МОҲ 43 ИНШООТ БУНЁД ШУД
БИЁ, МО НАРАВЕМ
Бунёди бинои 5 ошёнаи Раёсати суғуртаи иҷтимоӣ ва нафақа дар вилояти Хатлон
ФАРЗАНДИ ШУҶОЪ
