ҚАРЗДИҲӢ АЗ ҶОНИБИ БОНКҲО ЗИЁД ШУДААСТ

Аз ҷониби ташкилотҳои қарзии молиявии минтақаи Бохтари вилояти Хатлон давоми шаш моҳи сипаригардидаи соли равон ба маблағи 1,2 миллиард сомонӣ қарз дода шудааст.

Тавре мудири шуъбаи минтақавии Бонки миллии Тоҷикистон дар шаҳри Бохтар Самадзода Фирдавс зимни нишасти матбуотӣ зикр кард, қарзҳои додашуда нисбат ба ҳамин давраи соли гузашта ба маблағи 319,7 миллион сомонӣ, ё 36,4 фоиз зиёд мебошад.

Гуфта шуд, ки ҳиссаи асосии қарзҳо барои рушди соҳаи кишоварзӣ – 30 фоиз, саноат – 4,4 дарсад, сохтмон – 3 фоиз, нақлиёт – 0,5 фисад, хӯроки ҷамъиятӣ – 0,1 фоиз, хизматрасонӣ – 7,3 фоиз, савдои хориҷӣ – 9,9, истеъмолот – 42,2 ва дигар соҳаҳо 2,8 фоизро дар бар мегирад.

-Бақияи сандуқи қарзии ташкилотҳои қарзии молиявӣ, ки дар гардиш ва рушди иқтисодиёти минтақа иштирок доранд, ба санаи 30 июни соли равон 1,8 миллиард сомониро ташкил дода, дар муқоиса ба ҳамин давраи соли гузашта ба андозаи 506,5 миллион сомонӣ, ё ин ки 40,6 фоиз зиёд мебошад, - гуфт Самадзода Фирдавс.

Рӯзноманигорон бобати мушкилоти ҷойдоштаи фаъолияти бонкҳо суолҳо пешниҳод карда, ҷавобҳои қаноатбахш гирифтанд.

Сулаймон СУЛТОНОВ

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ҶАЙҲУН-ДАР МАСИРИ СОЗАНДАГИВУ БУНЁДКОРӢ ТАНТАНАИ ИСТИҚЛОЛ