Роҳнамо

Баъди хатми Донишгоҳи омӯзгорӣ ба зодгоҳам деҳаи Обшорони Ҷамоати деҳоти Деҳқонобод омадам ва дар МТМУ№34 ба ҳайси омўзгор ба фаъолият шуруъ кардам. Аз ҳамон вақт ғоибона бо директори муваффақ Раъно Мирзоева (Раҳимзода) ошноӣ пайдо намудам.

Баъди он ки бо амри тақдир маро дар мактаби №34-и деҳаамон директор таъйин карданд, бо зани отифаю оқила, ки он вақт ҷонишини раиси ноҳия буданд, аз наздик шинос шудам. Дар ҷамъомадҳо, ҷаласаҳои ҷамоати деҳот ва дигар чорабиниву вохӯриҳо ӯро медидам. Салиқаи суханрониҳояш писандам меомад, ки андешаҳои худро бо гуфтаҳои Президенти кишвар ва суханони ибратбахши бузургони адаб тақвият бахшида, ба мардум мерасониданд.

Асосгузори сулҳу ваҳдати миллӣ, Пешвои миллат, Президенти кишвар-муҳтарам Эмомалӣ Раҳмон дар як суҳбаташон бо занони муваффақ гуфта буданд: «Шумоён нигини тоҷи миллатед». Ин баҳои беназире буд, ки Сарвари мамлакат, муҳтарам Эмомалӣ Раҳмон ба занону модарон дода буданд. Бемуболиға ба ин баҳои Сарвари давлат бонувони фаъол мисли Раъно Раҳимзода арзандаанд. Зеро аз овони мактабхонӣ ва баъдан дар куҷое таҳсил карда фаъолият намуда бошанд, ҳамеша намунаи ибрати дигарон буданд. Мактаби миёнаро бо медали тилло ва Донишгоҳи омӯзгориро бо дипломи аъло хатм карда, дар фаъолияти минбаъдаашон аз зумраи сарварони муваффақ буданд. Баъдан, ба ҳайси мудири шуъбаи Сабти асноди ҳолати шаҳрвандӣ, муовини раиси ноҳия ва раиси ноҳияи Фархор кор карда, бо садоқату заҳмати шабонарӯзӣ миёни мардум маҳбубият пайдо кардаанд. Солҳои дар вазифаи сардори Раёсати кор бо занон ва оилаи Мақомоти иҷроияи ҳокимиятӣ давлатии вилояти Хатлон фаъолият бинмуданашон дар ҳаллу фасли мушкилоти бонувон ва оилаҳои ҷавон муваффақиятҳои зиёд доштанд.

Раъно Раҳимзода барои фаъолияти назаррас дар ҷодаи таълиму тарбия ва рушди соҳаи фарҳанг бо нишони Аълочии маорифи Тоҷикистон ва Аълочии фарҳанги Ҷумҳурии Тоҷикистон сарфароз гардидааст. Соли 2013 бо мукофоти давлатии медали «Хизмати шоиста» ва соли 2022 «Корманди шоистаи Тоҷикистон» қадрдонӣ шудааст.

Камина имрӯз дар вазифаи сармутахассиси бахши кор бо занон ва оилаи Мақомоти иҷроияи ҳокимияти давлатии ноҳияи Фархор фаъолият дошта, ҳамеша аз маслиҳату роҳнамоиҳои ӯ баҳравар мебошам. Раъно Раҳимзода имрўз ҳам донишу таҷрибаи андухтаашро дар роҳи таҳкими ваҳдати миллӣ, тарғиби ғояҳои ватанпарастӣ, маърифати оиладорӣ ва роҳнамоии ҷавонон истифода намуда истодааст. Эшон барои пешрафти мо мутахассисони ҷавон пайваста таъкид медоранд, ки сатҳи донишатонро баланд бардошта, такмил диҳед.

Воқеан ҳам, рӯзгору фаъолияти Раъно Раҳимзода ва заноне чун ў ибратбахшу омўзанда мебошад. Зеро бо хулқу ахлоқи ҳамида ва фарҳанги баланд дар зеҳну замири бонувон маъво гирифтааст, ки ҳамарӯза аз ин ё он ноҳия занг зада, ҳолпурсиаш мекунанд.

Зубедамо Салимова, ноҳияи Фархор

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ