Маҷаллаи Сафо
Шеъру адаб
Чеҳра
Маслиҳати муфид
Номаҳо
Маориф дар меҳвари Паём
“Ҳамаи пешравию пирӯзии ҳар як давлат ва ҷомеаро мактабу маориф ва илму дониш таъмин мекунад”.
Эмомалӣ Раҳмон
Дар Паёми имсолаи худ Президенти Ҷумҳурии Тоҷикистон муҳтарам Эмомалӣ Раҳмон самтҳои асосии сиёсати дохиливу хориҷии мамлакатро барои давраҳои оянда муайян намуда, оид ба пешбурди манфиатбори сиёсати хориҷӣ ва таъмини пешрафти соҳаҳои илму маориф, иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён гузоштанд. Ҳамзамон, зикр гардид, ки «корҳое, ки дар ин самт анҷом дода шуданд, ба таъмин гардидани нишондиҳандаҳои пешбинигардидаи рушди иҷтимоиву иқтисодӣ ва пешрафту ободии шаҳру деҳоти мамлакат мусоидат намуданд».
Омӯзиши Паём ҳамчун ҳуҷҷати муҳим дар фарҳанги давлатдории мо ба ҳукми анъана даромада, таҳлили он нишон медиҳад, ки саросар мавзуи таъмини рушди самараноки неруи инсонӣ, заминагузорӣ баҳри таҳкими минбаъдаи хизматрасонии иҷтимоӣ, боло бурдани мавқеъ ва нуфузи илму маърифат ҳамчун ченакҳои асосии рушди неруи инсонӣ, ҳифзи саломатии инсон ба сифати боигарии давлат, таъмини шароити арзандаи зиндагӣ бо мақсади такомули шахсиятро дар бар мегирад.
Паёми навбатии Президенти Ҷумҳурии Тоҷикистон муҳтарам Эмомалӣ Раҳмон фарохтар аз як Паём аст. Яъне, ин Паёми Пешвои миллат ба шаҳрвандони мамлакаташ, ба миллаташ ва дастуру супориш ва роҳнамоиҳои Роҳбари хирадманди дурандешу сиёсатмадори сатҳи ҷаҳонӣ ба тамоми шаҳрвандони мамлакат ва ҳам мардуми дунё буд. Зеро, дар Паёми навбатӣ тамоми паҳлуҳои ҳаёти сиёсӣ, иқтисодӣ, иҷтимоӣ, сиёсати дохилӣ ва хориҷии мамлакат, вазъи дурнамои мамлакат ва ҷаҳони муосир ба риштаи таҳлил кашида шуд. Пешвои миллат оид ба ҳалли мушкилоти мавҷуда дастуру супоришҳо ва вазифаву роҳнамоии мушаххасро манзур намуданд.
Зимни суханронии худ Пешвои муаззами миллат аз заҳматҳои содиқонаи мардуми шарафманди тоҷик барои ба даст овардани сулҳу оромӣ, суботи сиёсӣ ва ваҳдати миллӣ, барои бунёди Тоҷикистони навин, ки аҳли башар онро мешиносад, ёдовар гардиданд.
Ҳамчун як омӯзгор ифтихор аз он дорам, ки имсол низ дар Паёми навбатӣ соҳаи маориф дар меҳвари асосӣ қарор дошт. Пешвои маҳбубу маорифпарвари мамлакат муҳтарам Эмомалӣ Раҳмон қайд намуданд, ки “Ҳамаи пешравию пирӯзии ҳар як давлат ва ҷомеаро мактабу маориф ва илму дониш таъмин мекунад.”
Дар воқеъ, маориф дар пешрафти дилхоҳ давлату миллат таъсири мусбат дорад. Маҳз инсониятро маориф соҳиби хираду дониш намуда, онро ба роҳи рост ҳидоят менамояд. Дар тули таърих миллату давлатҳои дорои маорифи рушдкарда тамаддунҳои бузургро офарида, аз худ намунаи беҳтарини фарҳангу маънавиётро боқӣ мегузоранд. Дар баробари ин, маориф, ки омили асосии соҳибтафаккур гардидани инсон аст, барои дарк ва шинохти манфиатҳои миллӣ имкон фароҳам меорад. Ба василаи маориф насли наврас ва ҷавонон арзишҳои миллию давлатии худро дарк намуда, ватандӯсту ватанпараст мегарданд. Яъне, рушди ҳама соҳаи ҳаёти ҷомеа ва бақои давлату миллат ба маориф вобаста мебошад.
Ба андешаи Пешвои маорифпарвари кишвар, Президенти маҳубуб муҳтарам Эмомалӣ Раҳмон: - «То вақте ки тамоми ҷомеа ба мактаб ва низоми маориф рӯй наоварад, миллат дастнигар, хору зор, таҳқиргашта ва афроди он моил ба ҳама гуна ҷиноятҳои сангину пешгӯйинашаванда боқӣ хоҳанд монд».
Маҳз бо дарназардошти он ки маориф ва илм дар пешрафти давлат нақши асосӣ дорад, давоми солҳои соҳибистиқлолӣ бо мақсади рушд додани маориф силсилаи иқдомҳои бузург амалӣ гардиданд. Аз ҷумла, дар сиёсатгузориҳои Ҳукумати кишвар соҳаи маориф ҳамчун самти афзалиятнок арзёбӣ шуда, сармояи бузурги давлатӣ ба ин соҳа равона гардидааст.
Ояндаи ҳар миллат ва пойдории давлатдории миллӣ бештар ба тарбияи насли наврас вобаста аст. Насли калонсол бо истифода аз таҷрибаи андухта пояи давлату ҷомеаро мегузоранд, насли наврасро бо садҳо орзую умед тарбият менамоянд, то ки онҳо ҳамчун ворисони арзанда ба воя расанд, қадри таъриху тамаддуни кадимаи худро донанд, арзишҳои ваҳдату истиқлолият, моҳияти муқаддасоти миллӣ, зарурати ҳифзи марзу бум ва сарзамини аҷдодиро дарк намуда, ин сарзаминро, ки Тоҷикистон ном дорад, дӯст доранд ва аз уҳдаи ҳифзи он бароянд.
Барои он ки чунин хислатҳои олӣ дар қалби насли ҷавони тоҷик ташаккул ёбад, оила, мактаб ва дигар муассисаҳои таълимӣ бояд низоми таълиму тарбияро пайваста такмил диҳанд, онро ба талаботи замон мутобиқ созанд, аз тамоми имконияту воситаҳо ва аз ҳама муҳимаш таҷрибаи пешгузаштагон дар соҳаи маориф самаранок истифода баранд.
Замони муосир аз мо, омӯзгорон тақозо менамояд, ки аз муҳимтарин омил-сармояи тафаккур баҳравар бошем, ҷиҳати ба камол расонидани насли донишманду забондон ва насли созанда, заҳмат кашида, ҳифзи арзишҳои миллӣ ва падидаи нодири сиёсӣ - Истиқлоли давлатиро ба ин насли маърифатпазиру донишманд вогузорем. Мо - омӯзгорон ҳамчун машъалафрӯзи роҳи маърифат барои он ки ин фурӯғи илм дар дили насли наврас ҳамеша шуълавар бошад, рисолати азалии хеш - меҳнату ранҷи босуботро дар таълиму тарбияи насли давронсоз бояд дареғ надорем ва он гоҳ муваффақ мешавем, ки ҳар як ҳаводиси рухдодаи ҷаҳони муосирро бо чашми хирад, маърифат ва тафаккури созанда таҳлил ва баррасӣ намоем.
Ҳамасола мушоҳида мегардад, ки Ҳукумати кишвар бо мақсади дастгирии иҷтимоии омӯзгорон музди меҳнати онҳоро боло бурда, дигар имконотро барои кормандони соҳаи маориф ва илм роҳандозӣ менамояд. Аз ҷумла, дар Паёми навбатӣ ба сохторҳои дахлдор супориш дода шуд, ки “аз 1-уми сентябри соли 2025 маоши вазифавии кормандони муассисаҳои томактабӣ ва таҳсилоти миёнаи умумии соҳаи маориф 30 фоиз зиёд карда шавад, ҳамзамон маоши вазифавии кормандони дигар муассисаҳои соҳаи маориф, соҳаҳои илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ, мақомоти ҳокимият ва идоракунии давлатӣ ва дигар муассисаҳои буҷетӣ, инчунин, стипендияҳо 20 фоиз зиёд карда шавад.”
Албатта, мақсад аз ғамхорӣ ва таваҷҷуҳи доимии Роҳбари кишвар ба соҳаи маориф, пеш аз ҳама, баланд бардоштани сатҳи саводнокию маърифатнокии миллат, мунтазам беҳтар гардонидани сатҳу сифати таълим ва тарбияи кадрҳои ба талаботи замона ҷавобгӯй мебошад. Дар Паём зикр гардид, ки “Мусаллам аст, ки рушди маориф бо пешрафти соҳаи илм пайванди ногусастанӣ дорад.”
Нақши калидӣ доштани соҳаҳои илму маориф дар таҳкими давлати демократӣ ва ҳуқуқбунёду дунявӣ аз Паём низ бармеояд ва бори дигар собит месозад, ки ғамхориҳо ва дастгириҳои Пешвои миллат, пеш аз ҳама, барои баланд бардоштани сифати таълим дар муассисаҳои таълимӣ ва дуруст ба роҳ мондани барномаҳои таълимӣ дар тайёр кардани кадрҳои сатҳи баланд ва соҳибихтисос равона шудааст. Аз ин ҷиҳат метавон гуфт дар муассисаҳои таълимӣ танҳо омӯзгорони баландихтисос метавонанд, ки кадрҳои замонавиро тарбия намуда, ҷаҳонбинии ҷавононро ташаккул диҳанд ва онҳоро бо арзишҳои умумибашарӣ ошно намоянд. Чунин ҷавонон барои дарк кардани моҳияти демократия, самаранок истифода бурдани шаклу воситаҳои мухталифи идеявӣ ва сиёсӣ, баровардани хулосаҳои амиқи судбахш аз вазъияти баамаломада, иштироки фаъолона дар тамоми соҳаҳои мухталифи ҷомеа, омӯхтани технологияи замонавӣ дар асри инқилоби илмӣ-техникӣ омода мешаванд. Бинобар ин, Пешвои миллат ба масъулини таълиму тарбияи ҷавонон супориш доданд, ки ба наврасону ҷавонон барои аз худ кардани донишҳои замонавӣ, мутолиа намудани асарҳои бадеию илмӣ, тақвият бахшидани қобилияти эҷодии онҳо ва хусусан, таълими фанҳои табиатшиносӣ, дақиқ ва риёзӣ, омӯзиши забонҳои русӣ ва англисӣ, ҳамзамон ҷалби ҳарчи бештари ҷавонону наврасон ба ихтироъкорию навоварӣ бештар таваҷҷуҳ зоҳир намоянд.
Баҳри омӯхтани илмҳои замон, бахусус ҷиҳати омӯхтани забонҳои хориҷӣ Президенти мамлакат муҳтарам Эмомалӣ Раҳмон дастур доданд, ки “Омӯзиши забонҳои хориҷӣ аз зинаи таҳсилоти томактабӣ ба роҳ монда шавад.”
Бо дарназардошти таваҷҷуҳи зиёди Пешвои миллат ба масоили мактабу маориф моро лозим меояд, ки ҷиҳати баланд бардоштани савияи дониш ва маҳорати педагогии хеш пайваста заҳмат кашида, дар тарбия ва таълими насли оянда дар шароити ҷаҳонишавӣ, бархӯрди тамаддунҳо, ҳалли таъҷилии бисёр масъалаҳои ҳаётан муҳим тадбирҳо андешем. Аз ин нуқтаи назар, омӯзгори муосир бояд дорои маърифати баланд бошад ва шогирдонро дар руҳияи садоқат ба Ватан – давлати соҳибистиқлол, худшиносию худогоҳӣ ва ормонҳои миллӣ тарбият намояд.
Хулоса, он ҳама тадбирҳое, ки аз тарафи Пешвои миллат дар Паём баён гардиданд, маҳз ба хотири ҳифзи сулҳу субот, рушду пешрафти илму маориф, тандурустӣ, фарҳанг, амнияти ваҳдати миллӣ, ҳимояи истиқлолияти давлатӣ, беҳтар намудани сатҳи зиндагии мардум, ҳифзи ҳуқуқу озодиҳои инсон ва шаҳрванд, таъмини амнияти минтақа ва ҷаҳон ва баланд бардоштани нуфузу эътибори кишвар дар арсаи байналмилалӣ равона гардидааст.
Аз ин рӯ, мо, омӯзгорон ва дигар намояндагони қишрҳои гуногуни ҷомеаро мебояд, ки бо масъулияти баланди шаҳрвандӣ он дастуру супоришҳоеро, ки Пешвои миллат дар Паём ироа намуданд, сармашқи фаъолияти худ қарор дода, ҷиҳати татбиқи он дар ҳама соҳаҳои ҷомеа, бахусус соҳаи маориф саъю талош намоем.
Фаррух Ҳотамзода- мудири шуъбаи муассисаҳои таҳсилоти томактабӣ, иловагӣ ва интернатии Раёсати маорифи вилояти Хатлон
Добавить комментарий
Ахбор
Ҷ. Балхӣ. Бунгоҳи тиббии нав ифтитоҳ шуд 16:083 ДАЛЕЛ БАРОИ МУТОЛИАИ КИТОБ 13:563 ДАЛЕЛ БАРОИ МУТОЛИАИ КИТОБ 13:56Намоиш-фурӯши китобҳо бахшида ба "Ҳафтаи китоби кӯдакону наврасони Тоҷикистон" 13:52СУХАНИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД ДАР ЧОРАБИНИИ РӮЗИ ДАЪВАТШАВАНДА 13:47ПАДИДАИ БЕНАЗИР ДАР ХАТЛОН 13:43ИНСОНИ КОМИЛ, ТАБИБИ ҲОЗИҚ 13:16ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ИДИ САИДИ ФИТР 16:34
Маҷаллаи №6-2019
Серхонандаҳо
Хатлон 109 нафақагири аз 100 сола боло дорад
ПЕШАИ ПУРИФТИХОР
ХАТЛОН: АЁДАТИ МОДАРИ 104-СОЛА ВА СОБИҚАДОРЕ, КИ 62 СОЛ ИНҶОНИБ ОМӮЗГОР АСТ
Тақдими 100 000 сомонӣ ба ғолибон
Таҷлили Рӯзи Модар дар Хатлон
Хатлон. 113- солагии матбуоти тоҷик таҷлил шуд
ХОВАЛИНГ. МАТБАА СОҲИБИ ДАСТГОҲИ ЗАМОНАВӢ ШУД
Дар шаҳри Бохтар 350 ҳазор гул шинонида шудааст
Ёвон. Майдончаи варзишӣ ифтитоҳ шуд
Пешвои миллат эҳёгари Наврӯз
