Маҷаллаи Сафо
Шеъру адаб
Чеҳра
Маслиҳати муфид
Номаҳо
Абармарди дунёи сухан
«Тоҷикистон сарзамини пурганҷ аст,вале боигарии асосии он фарзандони бонангу номусаш мебошанд»
Эмомалӣ Раҳмон
Моҳи ноябри соли равон ба зодрӯзи академики зиндаёд Соҳиб Табаров 100 сол пур мешавад. Бо иқдоми Раёсати маорифи вилояти Хатлон дар ҳамаи шаҳру ноҳияҳои вилояти Хатлон ба истиқболи сазовор аз 100 – солагии устод Соҳиб Табаров конфронсу маҳфилҳо ва дигар чорабинию ҳамоишҳо баргузор гардида истодааст.
Дар муассисаи таҳсилоти миёнаи умумии рақами 10 – и ноҳияи Ҷалолиддини Балхӣ бо иштироки доираи васеи омӯзгорони забону адабиёти тоҷик, толибилмон ва дигар масъулини соҳа ба ин муносибат конфронси илмӣ – адабӣ баргузор шуд.
Дар конфронси илмӣ – адабӣ ба истиқболи 100 – солагии узви вобастаи Академияи илмҳои Ҷумҳурии Тоҷикистон, дорандаи ҷоизаи ба номи Абуабдуллоҳи Рӯдакӣ, шодравон академик Соҳиб Табаров, ки ташкилкунандаи он шуъбаи маорифи ноҳияи Ҷалолиддини Балхӣ буд, масъулини шуъба таъкид доштанд, ки хизматҳои арзандаи ин фарзонафарзанди миллат дар рушди забону адабиёти тоҷик, инкишофи назму наср, нақди адабӣ бағоят бузург мебошад. Устодон зимни маърӯзаҳои илмӣ зиндагиномаи ӯро сафҳагардон намуда, аз хизматҳои бузургаш ёдовар шуданд.
Дар конфронси илмӣ – адабӣ зикр гардид, ки устоди забардасти илми тоҷик, академик Соҳиб Табаров 23 – юми ноябри соли 1924 дар деҳаи Чорроҳаи ноҳияи Муъминобод чашм ба олами ҳастӣ кушода, дар мактаб – парваришгоҳ камол ёфтааст. Дастпарвари омӯзишгоҳи педагогии шаҳри Кӯлоб, Институти педагогии ба номи Тарас Григоревич Шевченкои шаҳри Душанбе (ҳоло Донишгоҳи омӯзгории ба номи Садриддин Айнии пойтахт) буда, фаъолияти худро аз омӯзгорӣ дар водии Вахш оғоз бахшида, умри боқимондаашро бо омӯзиш, таҳқиқи илм, нақди адабӣ бахшидааст. Баромади ҷоизадори озмунҳои «Фурӯғи субҳи доноӣ китоб аст», «Тоҷикистон Ватани азизи ман», муаллимаи забону адабиёти тоҷики муассисаи таҳсилоти миёнаи умумии рақами 33 – и ноҳияи Ҷалолиддини Балхӣ Малоҳат Толибова дар ин конфронс вобаста ба ҷой ва мақоми устод Соҳиб Табаров дар адабиёти тоҷик, зинда гардонидани номи бузургони миллати тоҷик аз ҷониби Пешвои муаззами миллат ҳамагонро ба дӯстдорӣ ва эҳтирому қадршиносии бузургони ин миллати соҳибтамаддуну соҳибфарҳанг ҳидоятгар буд.
Арбоби шоистаи илми тоҷик, муҳаққиқи адабиёт, забон ва фарҳанги миллат 91 сол умри бобаракат дид. Китобу рисола ва садҳо мақолаҳои устоди зиндаёд Соҳиб Табаров дар пешрафти илми тоҷик нақш ва мақоми хоса доранд. Баъди аз ғалбери нақди адабӣ гузаронидани садҳо китобҳои назмию насрӣ, танқиду таҳлили мушикофонаву беғаразона он асарҳо дар таҳриру такмили нав рӯи чоп омаданд, ки ин бурди адабиёт ва миллати тоҷик мебошад.
Барои хизматҳои арзандааш дар назди халқу Ватан устод Соҳиб Табаров бо орденҳои «Нишони фархӣ», «Дӯстӣ», ҷоизаи ба номи Абуабдуллоҳи Рӯдакӣ қадр гардида, худ узви Иттифоқи нависандагони Тоҷикистон, узви вобастаи Академияи илмҳои Ҷумҳурии Тоҷикистон ва даҳҳо ҷоизаву нишонҳои дигари ифтихорӣ буд.
Устод Соҳиб Табаров бо осори гаронарзишаш муаррификунандаи давлату миллати тоҷик дар хориҷи кишвар буда, номи худро дар саҳфаи илми тоҷик бо кору пайкори мондагор ва рисолаву китобҳои хеш зиндаю ҷовид гардонд.
Саидзода Шералӣ
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ
РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД
ҶАВОНОН ВА МАСЪУЛИЯТИ ОИЛАДОРӢ
РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД
