Иштироки омӯзгори хатлонӣ дар Форуми байналмилалӣ

Дар доираи барномаи “Мактабҳои 2030”, рӯзҳои 5 – 7-уми июни соли ҷорӣ, дар давлати Португалия Форуми глобалӣ оид ба таҷрибаи пешқадами педагогӣ миёни 10 кишвар баргузор гардид, ки Ҷумҳурии Тоҷикистонро омӯзгор аз вилояти Хатлон Назокат Маҳмадиева муаррифӣ кард.

Дар ин бора саҳифаи фейсбукии Раёсати маорифи вилояти Хатлон иттилоъ додааст.

Манбаъ зикр кардааст, ки Назокат Маҳмадиева омӯзгори фанни химияи муассисаи таълимии №2-и ноҳияи Данғараи вилояти Хатлон буда, дар сатҳи ҷаҳонӣ исбот намудааст, ки омӯзгорони Тоҷикистон дорои донишу маҳорати баланди касбӣ буда, фаъолияти кориашон ба талаботи байналмилалӣ ҷавобгӯ мебошанд. Таҷрибаи пешқадами онҳо аз тарафи созмону ташкилотҳои байналмилалӣ ва дигар давлатҳои пешрафтаи дунё бо хуби эътироф гардидааст.

Ёдовар мешавем, ки чанде пеш бо иштироки беҳтарин омӯзгорони навовари муассисаҳои таълимии лоиҳавии вилоятҳои Хатлон ва Суғду Бадахшон дар маркази маъмурии вилояти Хатлон – шаҳри Бохтар Форуми ҷумҳуриявии “Омӯзгори навовар” баргузор гардида буд.

Иқдоми мазкур бо ибтикори Раёсати маорифи вилояти Хатлон ва дар ҳамкорӣ бо шарикони рушд дар доираи лоиҳаи “Мактабҳои Тоҷикистон – 2030” бори аввал дар Тоҷикистон роҳандозӣ гардида, ҳадафи он баланд бардоштани сатҳу сифати таълиму тарбия ва дарёфти омӯзгорони навовару эҷодкор буд.

Дар ин озмун, ки миёни омӯзгорони эҷодкору навовари беш аз 100 муассисаҳои таълимии шаҳру ноҳияҳои кишвар баргузор гардид, 28 нафар омӯзгорон беҳтарин лоиҳаҳои худро пешниҳод намуда буданд.

Дар натиҷа лоиҳаи пешниҳоднамудаи омӯзгори фанни химияи муассисаи таълимии №2-и ноҳияи Данғара Назокат Маҳмадиева бо номи “Хазинаи табиат” ғолиби ин озмун дониста шуда, сазовори ҷойи авввал гардид.

Ҳамин тариқ Назокат Маҳмадиева роҳхати иштирок дар озмуни байналмилалиро ба даст оварда бо донишу маҳорати баланди хеш дар шаҳри Портои давлати Португалия Ҷумҳурии Тоҷикистонро муаррифӣ кард.

Сулаймон СУЛТОНОВ

(Аксҳо аз саҳифаи фейсбукии Раёсати маорифи вилояти Хатлон)

Похожие новости:

Добавить комментарий

Ахбор

БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД 16:49 ДОНОРОНИ ХУН ЗИЁД ШУДААНД 13:01 ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД 15:05 Ҷ. БАЛХӢ. АЗ НАҚША ЗИЁД ИНШООТ БУНЁД ШУД 15:02 РАИСИ ВИЛОЯТИ ХАТЛОН БА ХОНАВОДАИ МАРҲУМ ФАЙЗАЛӢ РАҲИМОВ ИЗҲОРИ ҲАМДАРДӢ НАМУДАНД 16:55 РАИСИ ВИЛОЯТИ ХАТЛОН АЗ РАФТИ КОРҲОИ КИШОВАРЗӢ ДАР НОҲИЯИ ПАНҶ БОЗДИД НАМУДАНД 14:49 РАИСИ ВИЛОЯТИ ХАТЛОН БО ПАЁМАДҲОИ ОФАТИ ТАБИӢ ДАР НОҲИЯИ ПАНҶ АЗ НАЗДИК ШИНОС ШУДАНД 12:43 ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД 16:53

Маҷаллаи №6-2019

Серхонандаҳо

ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ ДОНОРОНИ ХУН ЗИЁД ШУДААНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД Ҷ. Балхӣ. Мумфаршкунии 6 километр роҳ оғоз гардид ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД ЖУРНАЛИСТЕ, КИ ҶАҲОНРО БО ДИЛ МЕШУНАВАД ФУРӮҒИ МАЪРИФАТ ДАР ЯК ХОНАДОНИ ТОҶИК ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН