ЧАНГУ ҒУБОР ВА 43 ДАРАҶА ГАРМӢ

Манбаъ хабар додааст, ки воридшавии ҳавои гарм аз қисмати ҷанубу ғарб ба қаламрави ҷумҳурӣ боқӣ мемонад. 

“Дар ин рӯзҳо ҳарорати ҳаво рӯзона дар бештари ноҳияҳо баланд мешавад: дар вилояти Хатлон то 38+43° гармӣ ва дар ноҳияҳои тобеи ҷумҳурӣ ва вилояти Суғд 38+40° гармӣ пешгӯӣ мегардад. Бо сабаби шиддат гирифтани шамол аз самти ҷанубу ғарб бо суръати то 15-20 м/с аз 9 то 12 июн дар аксар ноҳияҳои вилояти Хатлон ва ноҳияҳои тобеи ҷумҳурӣ чангу ғубор пешгӯӣ карда мешавад. Инчунин, санаи 10 – 12 июн ба минтақаҳои водигии вилояти Суғд дохил шудани чангу ғубор аз эҳтимол дур нест.” – омадааст дар хабар, ки ҳамчун огоҳӣ ба сокинони ҷумҳурӣ нашр шудааст.