РАИСИ ВИЛОЯТИ ХАТЛОН БА ХОНАВОДАИ МАРҲУМ ФАЙЗАЛӢ РАҲИМОВ ИЗҲОРИ ҲАМДАРДӢ НАМУДАНД

БАЛХӢ, 10 июн. Дар доираи дастуру ҳидоятҳои инсондӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон раиси вилояти Хатлон Давлаталӣ Саид ба манзили истиқоматии марҳум Файзалӣ Раҳимов ташриф оварда, ба пайвандону наздикони ӯ изҳори ҳамдардӣ баён намуданд.

Марҳум Файзалӣ Раҳимов, сокини деҳаи Балхиёни ҷамоати деҳоти Навбаҳори ноҳияи Ҷалолиддини Балхӣ буда, дар натиҷаи офати табиӣ дар ноҳияи Панҷ ҳангоми адои вазифаи хизматӣ ҷони худро аз даст додааст.

Раиси вилояти Хатлон зимни суҳбат бо аъзои хонаводаи марҳум таъкид намуданд, ки ҷоннисорӣ ва садоқати ӯ дар иҷрои вазифаи хизматӣ намунаи ибрат буда, хотираи некаш ҳамеша гиромӣ дошта хоҳад шуд.

Давлаталӣ Саид аз номи мақомоти иҷроияи ҳокимияти давлатии вилояти Хатлон ба оилаи марҳум кумакҳои пулӣ ва молӣ расонида, изҳор доштанд, ки хонаводаи Файзалӣ Раҳимов минбаъд низ зери ғамхорӣ ва дастгирии доимии мақомоти давлатӣ қарор хоҳад гирифт.

Ҳамчунин зимни мулоқот маълум гардид, ки оилаи марҳум дорои қарздорӣ мебошад. Раиси вилоят дастур доданд, ки қарзҳои мавҷуда пурра пардохт гардида, барои беҳтар намудани шароити зиндагии хонавода тадбирҳои зарурӣ амалӣ карда шаванд.

Пайвандону наздикони марҳум барои таваҷҷуҳ, дастгирӣ ва ғамхории роҳбарияти давлату ҳукумат ва мақомоти маҳаллӣ изҳори сипос намуда, таъкид карданд, ки чунин иқдомҳои башардӯстона дар ин рӯзҳои сангини мусибат боиси тасаллӣ ва рӯҳбаландии онҳо мегардад.

Хадамоти матбуоти раиси вилояти Хатлон

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

Қасри фарҳанги ноҳияи Ҷайҳун пурра таъмиру навсозӣ гардид ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ Хатлон. Дастоварди варзишгарон шоёни таҳсин аст ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН ТАНТАНАИ ИСТИҚЛОЛ ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН