Маҷаллаи Сафо
Маслиҳати муфид
Номаҳо
РӮЗИ БАЙНАЛМИЛАЛИИ ОИЛА- ҶАШНИ МЕҲР ВА ҲАМДИГАРФАҲМӢ
Рӯзи байналмилалии оила, ки ҳар сол 15-уми май таҷлил мегардад, як рӯзи муҳим барои ёдоварӣ аз нақши оила дар ҳаёти инсон ва ҷомеа мебошад. Ин рӯз бо мақсади баланд бардоштани огоҳӣ дар бораи масъалаҳои вобаста ба оила ва таҳкими арзишҳои оилавӣ дар ҷомеа таъсис ёфтааст.
Тавре ҳамагон огаҳӣ дорем, дар замони соҳибистиқлолӣ ва марҳилаи навини давлатдориамон бо ташаббуси бевоситаи Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон оила ҳамчун рукни муҳими давлатдорӣ эътироф гардида, бунёди ҷомеаи солим, ки аз устувории оила маншаъ мегирад, аз ҳадафҳои муҳими пешгирифтаи Ҳукумати мамлакат ба ҳисоб меравад.
Дар ҳақиқат оила яке аз муҳимтарин ва арзишмандтарин қисмати ҳаёти инсон ба ҳисоб рафта, дар рушду устувории он дар баробари ҷомеа ва давлат ҳар фард низ нақши муассир дорад.
Маврид ба зикри хос аст, ки оилаи солим аз муҳаббати поку беолоиш ҳамдигарфаҳмиву садоқат ба якдигар сарчашма гирифта, гуфтору хулқу атвори накӯкоронаи инсон асоси пойдории оила ва фароҳам гардидани муҳити солиму созанда дар он аст.
Оила аввалин ва муҳимтарин ниҳоди иҷтимоии инсон аст. Он на танҳо муҳити муҳаббат ва дастгирист, балки макони тарбияи ахлоқӣ, иҷтимоӣ ва маънавии фарзандон мебошад. Дар оила инсон аввалин арзишҳо, одоб ва фарҳангро меомӯзад, ки дар тамоми ҳаёти ӯ таъсир мегузорад.
Дар Ҷумҳурии Тоҷикистон, оила ҳамчун ниҳоди муқаддас эътироф гардида, давлат ва Ҳукумат ҷиҳати иҷрои муқаррароту уҳдадориҳои худ дар самти танзими муносибатҳои ҳуқуқӣ, таъмини зиндагии шоиста ва муҳайё кардани шароити созгори иҷтимоӣ барои оилаҳои ҷавон пайваста талош меварзанд.
Рӯзи байналмилалии оила на танҳо як рӯзи таҷлилист, балки як имкони хуб барои ёдоварӣ аз нақши муҳим ва муқаддаси оила дар ҳаёти инсон ва ҷомеа мебошад. Ин рӯз моро водор месозад, ки ба қадри оила, муҳаббат, эҳтиром ва ҳамдигарфаҳмии байни аъзои он расем ва барои пойдории оилаҳои солим ва хушбахт кӯшиш намоем.
Бо умеди расидан ба орзуву ҳадафҳои пешгирифтаамон Рӯзи байналмилалии оиларо ба ҳамаи ҳамдиёрони азиз муборак бод гуфта, бароятон рӯзгори орому осоишта, иқболу сарбаландӣ ва хушбахтиҳои беназир таманно дорам.
Сардори шуъбаи асноди ҳолати шаҳрвандии раёсати адлияи вилоят Хатлон Раҳмон Гулчеҳра Қурбоналӣ
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
Серхонандаҳо
РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД
ҶАЙҲУН ДАР МАСИРИ РУШДИ УСТУВОР ВА СОЗАНДАГӢ
Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
ТАТБИҚИ ЛОИҲАИ “ШАҲРИ БЕХАТАР” ДАР БОХТАР
АВФ – БАХШОИШЕ, КИ САРНАВИШТҲОРО ДИГАР МЕКУНАД
АВФ – ОҒОЗИ САҲИФАИ НАВИ ЗИНДАГӢ
ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД
ТАРБИЯРО АЗ КАДОМ СИННУ СОЛ БОЯД ОҒОЗ КАРД?
