ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД

Шаби 1-уми майи соли 2026 бар асари боришоти шадид дар баъзе маҳаллаҳои шаҳри Кӯлоб ҳодисаи нохуши табиӣ — обхезӣ ба амал омад. Дар натиҷаи ин офати табиӣ ба манзилҳои истиқоматии шаҳрвандон, иншооти ёрирасон ва қисме аз инфрасохтори шаҳр зарар расид.

Бо назардошти вазъи баамаломада ва дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, соати 3:00-и шаби 2-юми май ҷаласаи фаврии ситоди вилоятӣ таҳти роҳбарии раиси вилояти Хатлон Давлаталӣ Саид бо иштироки роҳбарону намояндагони сохторҳои марбута баргузор гардид.

Зимни ҷаласа таъкид карда шуд, ки ҷиҳати ҳарчи зудтар бартараф намудани оқибатҳои офати табиӣ тамоми тадбирҳои зарурӣ андешида шуда, техникаву механизмҳои зарурӣ пурра сафарбар карда шаванд. Ҳамчунин ба масъулон супориш дода шуд, ки корҳои наҷотдиҳӣ, барқарорсозӣ ва расонидани кӯмак ба аҳолии зарардида дар муҳлатҳои кӯтоҳ анҷом дода шавад.

Зикр гардид, ки дар натиҷаи ин ҳодисаи нохуши табиӣ, мутаассифона, се нафар ҷони худро аз даст дода, ду нафари дигар бо ҷароҳатҳои гуногун дар муассисаҳои тиббӣ бистарӣ гардидаанд. Дар робита ба ин, ҳамдардӣ ва тасаллияти Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон аз ҷониби раиси вилоят ба пайвандони фавтидагон ва хонаводаҳои зарардида расонида шуд.

Тибқи дастуру супоришҳои Сарвари давлат, раиси вилояти Хатлон Давлаталӣ Саид шабона ба маҳаллаҳо ва мавзеъҳои зарардида рафта, аз вазъи воқеии минтақаҳои осебдида аз наздик шинос шуданд.

Дар ҷараёни боздид ба мақомоти марбута дастур дода шуд, ки ҷиҳати ташкили гурӯҳҳои корӣ, таъмини аҳолии осебдида бо маводи ғизоӣ, расонидани ёрии аввалияи тиббию санитарӣ, кӯчонидани сокинон ба ҷойҳои бехавф ва ба роҳ мондани навбатдории шабонарӯзӣ дар мавзеъҳои хавфнок чораҳои саривақтӣ андешида шаванд.

Айни ҳол дар кӯчаҳо ва маҳаллаҳои аз офати табиӣ зарардидаи шаҳри Кӯлоб бо истифода аз техникаву механизмҳои зарурӣ корҳои бартарафсозии оқибатҳои сел ва тозакунии минтақаҳо идома доранд.

Хадамоти матбуоти раиси вилояти Хатлон

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

Қасри фарҳанги ноҳияи Ҷайҳун пурра таъмиру навсозӣ гардид ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ҶАЙҲУН-ДАР МАСИРИ СОЗАНДАГИВУ БУНЁДКОРӢ ТАНТАНАИ ИСТИҚЛОЛ