Маҷаллаи Сафо
Маслиҳати муфид
Номаҳо
Оё мо воқеан хубем?
Дар яке аз гӯшаҳои Дания муҷассамае гузошта шудааст, ки марде дар об истода китоб мехонад. Сатҳи об пайваста тағйир меёбад, гоҳе поён мефарояд ва гоҳе боло меравад, то ҷое ки қариб тамоми қомати ӯро мепӯшонад. Ҳамин тағйирёбӣ ин манзараро зинда ва пурмаъно месозад.
Ба ин муҷассама нигоҳ карда, инсон нохудогоҳ ба зиндагии худ назар мекунад. Зеро мо низ дар чунин ҳолатҳо қарор мегирем. Вақте шароит мусоид аст, худро ором ва устувор эҳсос мекунем. Аммо вақте мушкилот зиёд мешавад, фишори рӯзгор зиёд шуда, вуҷудамонро нооромӣ фаро мегирад.
Бо вуҷуди ин, мо боз ҳам ҳаракат карданро идома медиҳем. Кор мекунем, масъулиятҳои ба зимма гирифтаамонро иҷро менамоем ва кӯшиш мекунем, ки аз берун ҳама чиз муназзам намоён бошад. Дар ин раванд кам пеш меояд, ки инсон ба худ гӯш диҳад ва эҳсосоти худро дарк кунад.
Мушкил дар он аст, ки инсон метавонад ба иҷрои вазифаҳо он қадар машғул шавад, ки эҳсоси зиндагӣ карданро аз даст диҳад. Дар чунин ҳолатҳо инсон оҳиста аз худ дур мешавад ва эҳсос намекунад, ки то куҷо зери фишори ҳолатҳо дармондааст.
Аз ҳамин сабаб, ҳар яке аз мо бояд гоҳ-гоҳ ба худ нигарем ва ҳолати худро дарк намоем. Савол хеле оддист, вале муҳим боқӣ мемонад, ки имрӯз мо дар кадом ҳолат қарор дорем. Аз худ бипурсем:
- Оё мо дар рӯи об ҳастем ё зери фишори зиндагӣ қарор гирифтаем?
Худатонро эҳтиёт кунед, дӯстон!
Аз ҷониби дигар, агар инсон китобро дар зиндагии худ ҳамсафари доимӣ гардонад, метавонад дар ҳар гуна мушкилот роҳу равшанӣ пайдо кунад. Зеро китоб ҳам манбаи дониш ва ҳам такягоҳест, ки инсонро дар лаҳзаҳои душвор устувор нигоҳ медорад ва ба ӯ неруи идома доданро мебахшад.
Таҳияи М. Маҳмадалиев
📷: интернет
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
Серхонандаҳо
РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД
ҶАЙҲУН ДАР МАСИРИ РУШДИ УСТУВОР ВА СОЗАНДАГӢ
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
ТАТБИҚИ ЛОИҲАИ “ШАҲРИ БЕХАТАР” ДАР БОХТАР
АВФ – БАХШОИШЕ, КИ САРНАВИШТҲОРО ДИГАР МЕКУНАД
АВФ – ОҒОЗИ САҲИФАИ НАВИ ЗИНДАГӢ
ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД
1147 НАФАР АЗ МУАССИСАИ ИСЛОҲИИ №3/6-И НОҲИЯИ ЁВОН БА ОЗОДӢ БАРГАШТАНД
