Маҷаллаи Сафо
Шеъру адаб
Маслиҳати муфид
Номаҳо
АЗ ДЕҲАҲОИ КӮҲИСТОН, ТО РОҲҲОИ ДУШАНБЕ
Субҳи барвақт, вақте аксари занҳои деҳаи кӯҳистон ҳанӯз машғули кори хонаанд, Гулнозаи Қурбонхон калиди мошинашро ба даст мегирад ва ба роҳ мебарояд. Мошини «Опел» барои ӯ танҳо василаи кор нест, балки рамзи ҷасорат ва интихоби роҳи худ дар зиндагист.
ҶАСУРОНА БА МАЙДОН БАРОМАДАМ
Гулнозаи Қурбонхон модари ду фарзанд аст ва аз деҳаи Тудании ноҳияи Шамсиддин Шоҳин мебошад. Шояд вай ягона зани мусофиркашон дар ин ноҳияи кӯҳистон аст. Ӯ зиёда аз 11 сол аст, ки ба кори мусофиркашонӣ машғул аст. Аввал дар дохили ноҳия мусофиркашонӣ мекард, вале ҳоло то ноҳияҳои дигари минтақаи Кӯлоб ва ҳатто ба Душанбе меравад.
-Аввалин боре, ки ба роҳ баромадам, нигоҳҳои мардум маро дар ҳайрат мегузоштанд. Баъзеҳо бовар намекарданд, баъзеҳо кори мардона мегуфтанд. Аммо ба худ боварӣ доштам ва ҷасурона ба майдон баромадам, – нақл мекунад ӯ.
АЗ «ТИКО» БА «ОПЕЛ»
Қабл аз издивоҷ кардан, падараш дар рӯзи зодрӯзаш мошини «Тико» ҳадя кард, туҳфае, ки сарнавишти ӯро дигар кард. Баъди арӯсӣ кардан узви хонаводаи шавҳар, ки бо касби Гулноза ошно буданд, барояш мошини «Тико» хариданд. Пеш аз оғози кор Гулноза бо шавҳар, хусур ва хушдоманаш машварат кардааст. Хушбахтона, аҳли оилааш ӯро дастгирӣ намуданд. Дар ҷомеае, ки то ҳол бисёр қолабҳои суннатӣ ҳукмронанд, чунин дастгирӣ барои Гулноза қадами муҳим аст. Муштариёни доимиаш асосан занҳоянд. Ӯ мегӯяд, ки эътимоди онҳо барояш неруи бештар медиҳад. Даромади рӯзонаи Гулноза дар як рӯз аз 50 то 200 сомонӣ аст. Дар рӯзҳои ид бошад, то 300 сомонӣ ҳам мерасад. Шавҳараш устои таъмири мошин буда, соҳиби устохонаи шахсӣ мебошад. Гулноза на танҳо ронанда, балки то андозае устои мошин ҳам ҳаст. Вақте ки дар роҳ мошинаш вайрон мешавад, баъзан худаш онро таъмир мекунад.
-Гоҳо дар таъмири мошинҳо ба шавҳарам ёрӣ мерасонам. Таъмири мошин осон нест, маҳорат ва масъулияти баландро талаб мекунад, вале ҳардуи мо аз уҳдаи ин кор ба хубӣ мебароем. Ин даромади хонаводаи мо мебошад, – мегӯяд Гулноза.
БУРДАРАСОНӢ ДАР РУСИЯ
Гулнозаи Қурбонхон мегӯяд, ки кӯдаконаш дар вақти кори ӯ дар тарбияи хушдоман мемонанд. Маҳз ҳамин ҳамдигарфаҳмӣ дар оила имкон медиҳад, ки ба кори дӯстдоштааш идома диҳад. Солҳои 2019 то 2021 Гулноза бо шавҳараш дар муҳоҷират буданд. Онҳо дар Маскав ба ҳайси бурдарасонӣ ё курер фаъолият мекарданд. Аммо баъдтар ба ватан баргаштанд ва ҳоло дар зодгоҳашон- ноҳияи Шамсиддин Шоҳин ба мусофиркашонию таъмири мошинҳо машғуланд.
ДАР ОРЗУИ МОШИНИ НАВ
Имрӯз Гулноза барои бисёр духтарони ҷавон намунаи ҷасорат аст. Ӯ исбот кард, ки касб мардона ё занона намешавад. Ҳаст касбе, ки бо меҳнату масъулият анҷом дода мешавад. Ҳарчанд нигоҳҳои ҳайратангез ҳанӯз ҳам мушоҳида мешаванд, вале Гулноза дигар ба онҳо аҳамият намедиҳад. Ӯ роҳи худро интихоб кардааст, роҳи пурпечутоби ҳадафмандона. Роҳе, ки аз деҳаҳои кӯҳистон оғоз шуда, то маркази пойтахт мерасад. Ҳоло талош дорад, ки мошини наву беҳтар аз «Опел»-ро харида, дар маросимҳои арӯсӣ ба мардум хизмат намояд.
Амонҷон Муҳиддинов
Добавить комментарий
Ахбор
ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28Хатлон. Дастоварди варзишгарон шоёни таҳсин аст 13:58ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57Қасри фарҳанги ноҳияи Ҷайҳун пурра таъмиру навсозӣ гардид 15:36СУРУДИ МИЛЛӢ КАЙ САДО ДОД? 15:52МАН ОРИЁИЯМ, АЗ НАСЛИ ОФТОБ 15:48БОХТАР – ШАҲРИ РУШДУ БУНЁДКОРӢ 15:59
Маҷаллаи №6-2019
Серхонандаҳо
Қасри фарҳанги ноҳияи Ҷайҳун пурра таъмиру навсозӣ гардид
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
Хатлон. Дастоварди варзишгарон шоёни таҳсин аст
ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ
ХАТЛОН. 271 ИНШООТИ СОҲАИ МАОРИФ СОХТА МЕШАВАД
БОХТАР – ШАҲРИ РУШДУ БУНЁДКОРӢ
СУРУДИ МИЛЛӢ КАЙ САДО ДОД?
МАН ОРИЁИЯМ, АЗ НАСЛИ ОФТОБ
ТАНТАНАИ ИСТИҚЛОЛ
ҶАЙҲУН-ДАР МАСИРИ СОЗАНДАГИВУ БУНЁДКОРӢ
