ЗИЁДА АЗ 22 МИЛЛИОН СОМОНӢ ЗАРАРУ КАМБУДИҲОИ МОЛИЯВӢ ОШКОР КАРДА ШУД

Давоми соли сипаригардидаи 2025 аз ҷониби кормандони Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтари вилояти Хатлон дар самти назорати давлатии молиявӣ дар 154 ташкилоту муассисаҳо ва корхонаҳои вилояти Хатлон тафтишу санҷишҳои молиявӣ гузаронида шудааст.

Аз ин шумора 137 тафтишу санҷишҳо нақшавӣ ва 17 санҷиши дигар дар асоси гузориш ва супоришҳои мақомоти ҳифзи ҳуқуқ, мақомоти ҳокимияти давлатӣ ва идоракунӣ роҳандозӣ карда шудааст.

Дар ин хусус сардори раёсати болозикр Аваззода Шараф зимни нишасти матбуотӣ иттилоъ дод.

Гуфта шуд, ки дар натиҷаи тафтишу санҷишҳои гузаронидашуда ба маблағи 22 миллиону 361 ҳазору 315 сомонӣ зарару камбудиҳои молиявӣ ошкор карда шуда, аз ин ҳисоб дар натиҷаи чораҳои андешидашуда 22 миллиону 158 ҳазору 70 сомонӣ, ё 99,1 фоизи он барқарор карда шудааст.

Иттилоъ дода шуд, ки дар самти ошкори ҷиноятҳои коррупсионӣ ва иқтисодии хусусияти коррупсионидошта дар ин давра 228 адад ҷиноятҳои коррупсионӣ ва иқтисодии хусусияти коррупсионидошта ошкор карда шуда, аз шумора 71 ададашро ҷиноятҳои вазнин ва 8 адади дигар бошад ҷиноятҳои ба миқдори калон мебошад.

Маблағи зарар аз рӯи онҳо зиёда аз 4 миллион сомонӣ буда, то давраи ҷамъбастӣ 3 миллиону 771 ҳазору 937 сомонӣ ё 94 флизи он рӯёнида шудааст.

С. СУЛТОНОВ

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

Қасри фарҳанги ноҳияи Ҷайҳун пурра таъмиру навсозӣ гардид ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ТАНТАНАИ ИСТИҚЛОЛ ҶАЙҲУН-ДАР МАСИРИ СОЗАНДАГИВУ БУНЁДКОРӢ