Маҷаллаи Сафо
Шеъру адаб
Чеҳра
Маслиҳати муфид
Номаҳо
17 ОМӮЗГОР СОҲИБИ ПАТЕНТИ ИХТИРООТ ШУД
Дар соли 2023 дар Донишкадаи энергетикии Тоҷикистон аз рӯи 22 ихтисос дар шуъбаи рӯзона, 6 ихтисос дар зинаи магистратура ва 4 ихтисос дар факултети таҳсилоти фосилавӣ донишҷӯён ба таҳсил фаро гирифта шуданд. Вобаста ба сохтори идоравӣ дар Донишкада чор факултет, яъне факултетҳои “Электроэнергетикӣ”, “Электромеханика ва технологияи инноватсионӣ”, “Муҳандисӣ ва иқтисодиёти соҳавӣ” ва факултети “Таҳсилоти фосилавӣ ва ғоибона” фаъолият менамоянд.
Дар ин бора зимни нишасти матбуотӣ бо намояндагони ВАО Исозода Диловаршоҳ, ректори донишкадаи болозикр иттилоъ дод.
Ба гуфтаи мавсуф дар Донишкада 96 нафар омӯзгорон фаъолият доранд, ки аз онҳо 85 нафарашон омӯзгорони доимӣ буда, ҳамзамон 24 нафари онҳо ба ҳайси ҳамкорони дохила фаъолият мекунанд. Ҳамчунин, 11 нафар мутахассисон ба ҳайси ҳамкори беруна ба раванди таълим ҷалб гардида буданд.
Дар ин давра теъдоди умумии донишҷӯён ва магистрантон дар Донишкада 1512 нафарро ташкил дод, ки аз ин шумора 922 нафарашон ба шуъбаи рӯзона, 26 нафарашон магистрантҳо ва 564 нафарашонро донишҷӯёни шуъбаи таҳсилоти фосилавӣ ташкил медиҳад, ки аз ин шумора 38 нафар духтарон 84 нафар донишҷӯёни тибқи квотаи президентӣ таҳсил доранд. Мавриди зикр аст, ки дар мувофиқа ба Вазорати маориф ва илми Ҷумҳурии Тоҷикистон ва Вазорати энергетика ва захираҳои оби Ҷумҳурии Тоҷикистон аз оғози соли таҳсили 2023-2024 дар назди Донишкада Литсей ташкил карда шуд.
Тибқи иттилои Диловаршоҳ Исозода таҷрибаомӯзии донишҷӯёни донишкада дар асоси шартномаҳои тарафайн мувофиқи ихтисосҳо дар ташкилоту корхонаҳои саноатӣ ва неругоҳҳои барқии вилояту ҷумҳурӣ гузаронида мешавад. Инчунин, донишҷӯён дар раванди таҷрибаомӯзии худ аз имконоти филиалҳои кафедраи “Нерӯгоҳҳои барқӣ” (дар НБО Сарбанд) ва кафедраи “Таъмини барқ ва бехатарии электрикӣ” дар Шабакаҳои барқи Ҷанубии шаҳри Бохтар васеъ истифода мебаранд. Дар соли 2023-юм 394 нафар хатмкунандагони дараҷаҳои бакалавр ва магистр донишкадаро хатм намуданд, ки аз ин шумора 25 нафар донишҷӯёни тибқи квотаи Президенти Ҷумҳурии Тоҷикистон хатмкарда мебошанд. Инчунин, 15 нафар хатмкунандагони дараҷаҳои бакалавр ва магистр Донишкадаро бо дипломи аъло хатм карданд.
Қобили зикр аст, ки бо мақсади тадбиқи “Барномаи мақсадноки давлатии рушди илмҳои риёзӣ, дақиқ ва табиӣ барои солҳои 2021-2025” (дар доираи эълон гардидани 20-солаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф барои солҳои 2020-2040) бо дастгирии Вазорати маориф ва илми Ҷумҳурии Тоҷикистон дар Донишкада ду озмоишгоҳи физика ва химия бо маводҳои озмоишии зарурӣ аз нав таъмин карда шуданд.
Зимни нишасти матбуотӣ роҳбарияти донишкадаи изҳор доштанд, ки дар давраи ҳисоботӣ се нафар омӯзгорони донишкада, аз ҷумла, 1-нафар рисолаи докторӣ ва 2 нафар рисолаҳои номзадии худро муваффақона дар Шуроҳои диссертатсионии назди Комиссияи олии аттестатсионии назди Президенти Ҷумҳурии Тоҷикистон ва Федератсияи Россия дифоъ намуданд. Дар ин давра устодони Донишкада барандаи 17 адад патент барои ихтироъкорӣ, 44 -дастури методӣ ва воситаҳои таълимӣ, 3 монография, 6 санади татбиқи натиҷаҳои корҳои илмӣ-таҳқиқотӣ дар раванди истеҳсолот ё таълим гардида, 7 лавҳаҳои озмоишии худсохт омода намуданд, ки имрӯз дар истифода қарор доранд.
Сулаймон СУЛТОНОВ
Добавить комментарий
Ахбор
Бохтар. 1,5 километр роҳ мумфарш карда шуд 15:13«ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР» 13:25БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР 12:27Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД 12:23ЁВОН. НАСБИ ГУЗАРГОҲИ ЭЛЕКТРОНӢ ДАР КӮДАКИСТОН 12:18Кӯлоб. Ба дӯконҳои нонпазии шаҳр ангишти ройгон тақдим карда шуд 15:03Хатлон. Маъракаи кишти пиёзу картошка оғоз шуд 15:26ЧАҲОР ШОҲҶОИЗА ДАР ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ" 14:43
Маҷаллаи №6-2019
Серхонандаҳо
2 ШОҲҶОИЗА ВА 26 ҶОЙ ДАР ОЗМУНИ ҶУМҲУРИЯВИИ « ФУРӮҒИ СУБҲИ ДОНОӢ КИТОБ АСТ » НАСИБИ ДОВТАЛАБОНИ ВИЛОЯТИ ХАТЛОН ГАРДИД.
БОХТАР. ДАР ДАҲ МОҲ 43 ИНШООТ БУНЁД ШУД
БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР
Хатлон. Маъракаи кишти пиёзу картошка оғоз шуд
Кӯлоб. Ба дӯконҳои нонпазии шаҳр ангишти ройгон тақдим карда шуд
Бохтар. 1,5 километр роҳ мумфарш карда шуд
Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД
ТАҚДИМИ ТУҲФАИ ПЕШВОИ МИЛЛЛАТ -"ШОҲНОМА"-И ҲАКИМ ФИРДАВСӢ БА СОКИНОНИ НОҲИЯИ КӮШОНИЁН
ЧАҲОР ШОҲҶОИЗА ДАР ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ"
ХУШХАБАР. ЧИЛ (КАБКИ ЗИРАК) ПАРАНДАИ СОЛИ 2026 ЭЪЛОН ШУД
