34 НАФАР СОҲИБИ ДИПЛОМИ АЪЛО ШУД

Дар пайравӣ аз иқдомҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти баланд бардоштани нуфузу эътибори олимону омӯзгорон дар ҷомеа аз 1 январи соли равон музди меҳнати ҳамаи кормандони Донишгоҳи давлатии Бохтар ба номи Носири Хусрав ба миқдори 10 фоиз зиёд карда шудааст.

Дар ин бора ректори донишгоҳи болозикр Маҳмадалӣ Қурбонзода зимни нишасти матбуотӣ, ки 2 феврали соли ҷорӣ баргузор гардид, иттилоъ дод.

Қайд гардид, ки Донишгоҳи давлатии Бохтар ба номи Носири Хусрав яке аз муассисаҳои бонуфузи илмию таълимии мамлакат ба ҳисоб рафта, дар рушду такомули соҳаи илму маориф, баланд бардоштани худшиносии миллӣ, ифтихори ватандорӣ ва тарбияи кадрҳои баландихтисос нақши муҳим мебозад.

Аз 3608 донишҷӯе, ки дар соли таҳсили 2022 – 2023 донишгоҳро хатм намуданд, 34 нафар соҳиби дипломи аъло гардиданд.

Феълан дар донишгоҳ 439 нафар ҷавонон тибқи Квотаи Президентӣ таҳсил намуда, 60 фоизи донишҷӯёни таҳсилоти рӯзона аз буҷети давлат идрорпулӣ мегиранд.

Ҷиҳати густариш додани омӯзиши забонҳои русӣ ва англисӣ, соли таҳсили 2023 – 2024 дар донишгоҳ 23 гуруҳи таълимашон бо забони русӣ ва 2 ихтисос дар 4 гуруҳ пурра таълимашон бо забони англисӣ ба роҳ монда шудааст.

Дар самти ҳимояи рисолаҳои номзадиву докторӣ аз ҷониби омӯзгорони донишгоҳ корҳои зиёди илмӣ ба анҷом расонида шуда, дар нимсолаи дуюми соли гузашта 22 нафар омӯзгорон рисолаҳои илмии худро ҳимоя намуданд.

Соли таҳсили 2023 донишгоҳро 31 нафар донишҷӯён аз хоҷири кишвар хатм намуда, айни замон 131 нафари дигар аз давлатҳои Ӯзбекистон, Туркманистон, Афғонистон ва Федератсияи Россия дар ин муассисаи олӣ таҳсил намуда истодаанд.

Донишгоҳ бо 25 муассисаҳои таҳсилоти олии касбӣ, муассисаҳои илмӣ – таҳқиқотии кишварҳои хориҷӣ ва созмонҳои байналмилалӣ шартнома ва қарордоди ҳамкорӣ дорад.

Соли 2023 аз ҷониби раёсати донишгоҳ 32 нафар омӯзгорону донишҷӯёне, ки дар сатҳи озмунҳои ҷумҳуриявӣ фаъолона иштирок кардаю ҷойҳои намоёнро ишғол намуданд, ба маблағи зиёда аз 140 ҳазор сомонӣ, инчунин омӯзгороне, ки давоми соли 2023 дараҷа ва унвони илмиро соҳиб гардиданд дар ҳаҷми 50 ҳазор сомонӣ ва роҳбарони илмии унвонҷӯён ба маблағи 36 ҳазор сомонӣ ҳавасманд гардонида шуданд.

С. СУЛТОНОВ

Похожие новости:

Добавить комментарий

Ахбор

БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ 13:48 БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД 16:49 ДОНОРОНИ ХУН ЗИЁД ШУДААНД 13:01 ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД 15:05 Ҷ. БАЛХӢ. АЗ НАҚША ЗИЁД ИНШООТ БУНЁД ШУД 15:02 РАИСИ ВИЛОЯТИ ХАТЛОН БА ХОНАВОДАИ МАРҲУМ ФАЙЗАЛӢ РАҲИМОВ ИЗҲОРИ ҲАМДАРДӢ НАМУДАНД 16:55 РАИСИ ВИЛОЯТИ ХАТЛОН АЗ РАФТИ КОРҲОИ КИШОВАРЗӢ ДАР НОҲИЯИ ПАНҶ БОЗДИД НАМУДАНД 14:49 РАИСИ ВИЛОЯТИ ХАТЛОН БО ПАЁМАДҲОИ ОФАТИ ТАБИӢ ДАР НОҲИЯИ ПАНҶ АЗ НАЗДИК ШИНОС ШУДАНД 12:43

Маҷаллаи №6-2019

Серхонандаҳо

ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ ДОНОРОНИ ХУН ЗИЁД ШУДААНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД Ҷ. Балхӣ. Мумфаршкунии 6 километр роҳ оғоз гардид БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД ЖУРНАЛИСТЕ, КИ ҶАҲОНРО БО ДИЛ МЕШУНАВАД ФУРӮҒИ МАЪРИФАТ ДАР ЯК ХОНАДОНИ ТОҶИК БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ