БАҲОРИ АМОНӢ

Оламе дар чаҳ-чаҳу ҷӯшу хурӯш,
Ояд аз ҳар чорсӯ савте ба гӯш,
Пуштаву тал, кӯҳу саҳро гулфурӯш,
Дил чӣ сон н-ояд зи ҷӯши гул ба ҷӯш?
Боз Наврӯз омадаст.
Гул ба хору хор бо гул ошно,
Ҷӯй бо ҷӯ, рӯду дарё ҳамнаво,
Дӯстрӯву дӯстҷӯ хал қи худо,
Мерасад бар гӯш аз ҳар сӯ садо:
Боз наврӯз омадаст.
Эй хушо сулҳу амонии диёр,
Эй хушо ин ҳадяи парвардигор,
Зинда бод ин кишвари хуррамбаҳор,
Худшинос ин миллати овозадор,
Боз наврӯз омадаст.

Алимуҳаммад Муродӣ