Маҷаллаи Сафо
Шеъру адаб
Чеҳра
Маслиҳати муфид
Номаҳо
Истиқбол аз Истиқлол
Дастовардҳои солҳои охири кишвар, навгониву навсозиҳо ва аз лиҳози рушду пешрафт ва роҳандозӣ намудани ташаббусҳои сатҳи ҷаҳонӣ дар радифи кишварҳои рӯ ба тараққӣ қарор гирифтани Тоҷикистон мояи ифтихору сарфарозии ҳар нафар тоҷику тоҷикистонист.
Ҳадафҳои бузурги ояндасозӣ ба мисоли суръат бахшидани корҳои ободонию кабудизоркунии муҳити зист ва рӯи кор омадани даҳҳо ташаббусҳои наҷиб аз фазои сулҳу осоиштагӣ ва иттиҳоду ҳамбастагии мардум дарак медиҳанд, ки ин ҳама муваффақияту саодатмандӣ аз неъматҳои даврони истиқлоли кишвар арзёбӣ мегардад. Баракати ҳамин дастоварди арзишманду таърихист, ки мо дар ҷодаи ватансозӣ гомҳои устувор гузошта, ба натиҷаҳои бузург ноил гашта истодаем.
Даврони соҳибистиқлолӣ марҳилаи нави ободкорӣ дар кишвар, бахусус дар вилояти Хатлон арзёбӣ гардида, аз ҷумла, дар ин шабу рӯз дар саросари хитаи Хатлон мардум бо нишони ҷонибдорӣ аз сиёсати ватандӯстонаи Пешвои муаззами миллат муҳтарам Эмомалӣ Раҳмон ба иқдомҳои ободониву созандагӣ камари ҳиммат бастаанд. Дар ин росто дар доираи нақша чорабиниҳо ба истиқболи 35-умин солгарди Истиқлоли давлатии Ҷумҳурии Тоҷикистон дар шаҳру навоҳии вилоят бунёди ҳазорон иншооти гуногуни хизматрасонӣ пешбинӣ гардидааст. Дар баробари ҷалби шарикони рушд ба бунёдгузории иншооти муҳими хизматрасонӣ ва таъсиси коргоҳу корхонаҳои азим, ҳамзамон бо ташаббуси соҳибкорону шаҳрвандони меҳандӯст сохтмони садҳо иншооти ҷашнӣ босуръат идома дорад. Маврид ба ёдоварист, ки иқдомҳои ояндасози ободонӣ, ки дар саросари кишварамон бо маром идома дорад, аз ҳисси баланди ватандӯстӣ, худшиносӣ ва ҳувияту асолати миллист, ки дар меҳвари он Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон меистад.
Таъкидҳои пайвастаи Пешвои муаззами миллат ҷиҳати ҳифзи истиқлоли давлатӣ, таҳкими сулҳу ваҳдати миллӣ ва даъват ба корҳои хайру савоб, созандагию бунёдкорӣ боиси руҳбаландии мардуми заҳматқарину сарбаланди кишварамон гардида, имрӯз пиру барно бо нишони ҳамовозӣ аз сиёсати хирадмандонаи Сарвари давлат баҳри расидан ба ҳадафҳо камари ҳиммат бастаанд. Тавре ки Пешвои миллат зикр намуданд: “Мо бояд ҳамеша дар ёд дошта бошем, ки истиқлоли давлатӣ муқаддастарин ва бузургтарин дастоварди халқи Тоҷикистон, бебаҳотарин неъмати зиндагии мо, мояи ифтихору сарбаландӣ ва нангу номуси хурду бузурги мамлакат ва сарчашмаи тамоми пешрафту комёбиҳои мардуми шарифи кишвар мебошад”.
Мавриди зикр аст, ки бо мақсади дар сатҳи баланд пешвоз гирифтани ҷашнҳои пуршукӯҳи кишварамон дар ин шабу рӯз дар вилояти Хатлон ҳамоишу чорабиниҳои гуногун, аз ҷумла, чорабинии фарҳангӣ-фароғатии таҳти унвони “Шукӯҳи Истиқлол” баргузор гардида истодааст. Чорабинии мазкур дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дар сатҳи баланди ташкилӣ ва фарҳангӣ доир намудани ҷашни Истиқлоли давлатии Ҷумҳурии Тоҷикистон роҳандозӣ гардида, шуруъ аз 16-уми июл то 6-уми сентябр дар назди Театри вилоятии мусиқӣ- мазҳакавии ба номи Ато Муҳаммадҷонов ва Нишони давлатии Ҷумҳурии Тоҷикистон дар шаҳри Бохтар аз ҷониби ташкилоту муассисаҳои вилоятӣ гузаронида мешавад. Дарвоқеъ, имрӯзҳо мардуми шарифи кишвар дар баробари вусъати корҳои ободонӣ ҳар шомгоҳон бо шукргузорӣ аз тинҷиву осудагӣ дар ин гуна ҷамъомаду ҳамоишҳои идона иштирок намуда, аз чорабиниҳои фарҳангӣ фароғатӣ баҳравар мегарданд.
Ҳамчунин, то санаи фархундаи Рӯзи Истиқлолияти давлатии Ҷумҳурии Тоҷикистон- 9-уми сентябр дар марказҳои маъмурии тамоми шаҳру навоҳии вилоят чорабиниҳои идона баргузор мегардад, то сокинони тамоми шаҳраку деҳоти кишвар имкони иштирок ва баҳрамандӣ аз чорабиниҳои фарҳангӣ-фароғатиро дошта бошанд.
Ҳамин сон, мардуми хушбахту саодатёри ин сарзамини хуррамдиёр бо ифтихору сарбаландӣ ҷашнҳои фархундаи меҳани худро дар сатҳи баланд ва бо шукуҳу шаҳомати хоса истиқбол намуда, шукронаи онро доранд, ки дар пайравӣ аз ҳидоятҳои ояндасози Пешвои муаззами миллат муҳтарам Эмомалӣ Раҳмон дар масири амалӣ намудани орзуву ормонҳои ҳазорсолаи миллии хеш ноил гардида истодаанд.
Латофат Мирзосаид
Добавить комментарий
Ахбор
РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД 18:59РАИСИ ВИЛОЯТИ ХАТЛОН АЗ РАФТИ ҶАМЪОВАРИИ ПИЁЗИ БАРВАҚТӢ ДАР НОҲИЯИ ҶАЙҲУН БОЗДИД НАМУДАНД 18:54РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД 18:48ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ 18:41МУСОБИҚАИ КУШОДИ ШАҲРӢ ОИД БА ҶУДО БАРОИ ДАРЁФТИ “ҶОМИ РАИСИ ШАҲРИ БОХТАР 18:34РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД 18:27ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА 18:21ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД 14:06
Маҷаллаи №6-2019
Серхонандаҳо
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД?
ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД
ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД
ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД
БО ЗАМИН ҲАМНАФАС, БО ЗАҲМАТ САРБАЛАНД
Нақши воситаҳои ахбори омма дар пешгирии коррупсия
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
