Маҷаллаи Сафо
Шеъру адаб
Чеҳра
Маслиҳати муфид
Номаҳо
ШУКРОНА
Таронаи қаноат
Эй рӯди Вахш, ба мавҷҳои пурталотумат нигариста, гузаштаи начандон дуратро пеши назар меорам. Гузаштае, ки дар қалбам нақше боқӣ монд, то ҳол ба он дард марҳаме наёфтаам.
...Дар лаби соҳили Вахш зиндагии тинҷу осудае насибамон гашта буд. Ману ду додарам ва хоҳарам ҳамроҳи волидайнам хушу хурсандона ба сар мебурдем. Ҳамшираам ҳамагӣ 5 моҳа буду мо тифлакони кӯчаку маъсуму нозпарвари падару модар қалбамон пур аз шодию фараҳ дар атрофашон парвонавор чарх мезадем. Вале ин рӯзҳои хуш дер давом накард. Ҷанги шаҳрвандӣ оғоз гардиду нооромии ба хонадони сокинони Вахшонзамин асари хешро боқӣ гузошт. Заҳри он коми моро низ талх гардонид. Падарам рӯзе ба кор рафта, дигар ба хона барнагашт. Аз деҳаҳои гирду атроф садои тир ба гӯш мерасид.
Дар яке аз рӯзҳои мудҳиш тири дайдуе қалби модарам шикофт. Ягона умеду орзуи мо-тифлакон модари азизу меҳрубонамонро аз мо рабуд. Чаҳор ятиму хору зор, бо дили афгор, гоҳе гуруснаву гоҳ ташна рӯзамонро мегузаронидем. Хешу ақрабои падарам аз баргаштанаш умедашонро канда, мо-ятимонро рӯйи хуш намедоданд. Ман ҳамагӣ 12-сол доштам. Аз ғурбати хешу ақрабо гурезон шудам. Мустақилона аз пайи ризқу рӯзии додарону хоҳарам мешудам. Гоҳе ба нафаре алаф меовардам, гаҳи дигар молҳои мардумро мечаронидам. Луқмае дарёфт карда, рӯзамонро мегузаронидам. Амакҳоям азоби манро дида, мехостанд моро аз ҳам ҷудо намоянд, вале қалби кӯчакам ба ин розӣ намешуд. Чунки ман худро дар назди волидонам қарздор меҳисобидам. Мо бояд ҳамчун бародар додарону хоҳарамро зери қаноти хеш мегирифтам. Ҳамроҳи азизони дилам рӯзе аз хонаи амакҳоям фирор намудем. Хоҳарам дар оғӯшам, додаронам дастодаст чӣ қадар роҳ рафтем, намедонам. Азбаски ҳаво сард буд, дар истгоҳе хостам шабро рӯз намоем. Фарзандони падарамонро дар оғӯш гирифтам, ғанабамон бурдааст. Бо нолиши додараки хурдиям бедор шудам, ки мегуфт:- акаҷон, гурусна мондам, нон деҳ.
Худро ҳақиру нотавон ҳис намудам, чунки лоақал бурдаи ноне набуд, ки ба ӯ диҳам. Бо сад азоб ӯро ором карда, ба андеша рафтам, ки фардо ба мо чӣ мешуда бошад, аз куҷо барои онҳо нон ёбам. Як рӯзи сарди зимистон бароям дуру дароз намуд. Бо ин андешаҳо он шаб хобам набурд.
Дар яке аз ин рӯзҳои сахти боронӣ дар роҳ мондем, на деҳае наздик буду на бурдаи ноне боқӣ монда. Дар назди дарахти азмҷуссае бозистода, лаб зери дандон монда, кӯдаконро дар оғӯш гирифтам. Гарчанде шамоли сахт мевазид, аз хунуки меларзидем, вале ноумед нашудам. Ногоҳ аз дур нақлиёте намудор шуд. Ронандаи он аз наздамон гузашта рафту боз каме ба ақиб баргашта, ба сӯямон омад.
-Дар ин нимашаб ба куҷо меравед? Чаро худатон танҳоед? Магар шумо хунук намехӯред?-гӯён саволборонам намуд.
-Падарам беному нишон шуду модарам аз тири дайдуе моро тарк намуд. Мо ҷое рафтан надорем. Чанд рӯз боз дар ба дару овораем-гуфтам.
- Хайр, ҳеҷ гап не. Ба мошин шинед, ман ба шумо кумак мерасонам-гуфта, ронанда моро ҳамроҳаш бурд.
Пас аз тановули ғизо каме ба худ омадем. Он марди сахӣ дастамонро гирифт. Ба хона-интернати кӯдакони ятиму бепарастор ҷоямон намуда, ҳафтае ду маротиба аз аҳволамон хабар мегирифт, то мо азоби ятимиро накашем.
... Рӯзҳо пайи ҳам мегузаштанд. Ватанамон низ обод мешуд. Роҳбари давлат мо-ятимони кулро бо ғамхорӣ фаро гирифта, аз чизе танқисӣ надоштем. Мо ятимон низ ба воя расида, таҳти ғамхориҳои фарзанди фарзонаи миллат соҳиби маълумот гардида, дар соҳоти гуногун фаъолият дорем. Ман имрӯз шукрона менамоям, ки Худованд чунин Пешвои миллатро насибамон гардонидааст, ки нисбати ятимону бепарасторон ғамхориҳои падарона менамояд. Аз Яздони пок илтиҷо менамоям, ки Пешвои моро ҳамеша нигаҳбон бошаду сарбаланду сарфароз гарданд...
ШАБАФРӮЗ
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РӮЗИ БАЙНАЛМИЛАЛИИ ОИЛА- ҶАШНИ МЕҲР ВА ҲАМДИГАРФАҲМӢ
ҶАВОНОН ВА МАСЪУЛИЯТИ ОИЛАДОРӢ
ҲАБИБ САФАРОВ. ЗИНДАГИНОМАИ ҚАҲРАМОНИ 102 – СОЛА
ҲАМОИШ БАХШИДА БА РӮЗИ БАЙНАЛМИЛАЛИИ ОИЛА
Ҷ. Балхӣ. Мумфаршкунии 6 километр роҳ оғоз гардид
БОХТАР: РАИСИ ВИЛОЯТИ ХАТЛОН БО ҶАРАЁНИ СОХТМОНИ БЕМОРХОНАИ БЕМОРИҲОИ ДИЛ ВА МАРКАЗИ ЭНДОКРИНОЛОГӢ ШИНОС ШУДАНД
