Маҷаллаи Сафо
Шеъру адаб
Чеҳра
Маслиҳати муфид
Номаҳо
ЧАРОҒИ МАЪРИФАТ ВА ОФАРАНДАИ ФАРДО
Модар сарчашмаи ҳаёт, ҳастии рӯзгор буда, каломи поки ӯ роҳатбахши тану ҷон аст. Агар зан-модар муаллим бошад, боз масъулияти ӯ дар назди аҳли ҷомеа дучанд хоҳад шуд.
Мо аз кору пайкори модарон – омӯзгорони шаҳри Бохтар Зебонисо Машрабова ва Шаҳло Холова қисса хоҳем намуд, ки онҳо дар тарбияи насли ояндасози миллат саҳми арзанда доранд.
Ҳар рӯз дарси муаллимаи синфҳои ибтидоии муассисаи таҳсилоти миёнаи умумии №15-и шаҳри Бохтар Зебонисо Машрабова бо мисраъҳои зерини устод Садриддин Айнӣ ва ба ҳамин монанд шеърҳои баландмазмун аз ашъори шоирони адабиёти тоҷик оғоз меёбад:
Биёед, эй рафиқон дарс хонем,
Ба бекорию нодонӣ намонем.
Ба олам ҳар касе бекор гардад,
Ба чашми аҳли олам хор гардад.
Даҳсолаи охир таҷрибаи пешқадами ин омӯзгори асил дар дабистонҳои шаҳри Бохтар васеъ тарғиб гардидааст, ки воқеан лоиқи омӯзиш буда, барои ҳамкорон, хоса муаллимони ҷавон ибратомӯз мебошад.
Ҳар як дарси ин омӯзгори варзида, дорандаи нишони «Аълочии маориф ва илми ҷумҳурӣ» Зебонисо Машрабова бо аёният, дар кабинети муҷаҳҳазгардонидашуда бо асбобу гӯшаҳои махсуси «Қаҳрамонони Тоҷикистон», «Касби ман — ифтихори ман», «Китобҳои тавсияшуда», «Олами афсонаҳо», «Алифбои забони тоҷикӣ» ва бо истифода аз воситаҳои электронии таълим хеле шавқовару диққатҷалбкунанда мегузарад.
Зебонисо Машрабова зодаи шаҳри Бохтар буда, соли 1975 чашм ба олами ҳастӣ кушодааст. Модараш кадбонуи хонадон ва падараш сохтмончӣ буда, дар ободонии маркази маъмурии вилояти Хатлон саҳми арзанда гузоштааст.
Ӯ мактаби миёнаи №7, коллеҷи омӯзгорӣ ва факултаи омӯзгории Донишгоҳи давлатии Бохтар ба номи Носири Хусравро муваффақона хатм намуда, қариб 30 сол мешавад, ки дар дабистони №15-и шаҳри Бохтар содиқона ифои вазифа дорад.
Омӯзгорони ин дабистон Паёми роҳнамои Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олии мамлакат дастури амали худ қарор дода, аз сиёсати маорифпарваронаи Ҳукумати Ҷумҳурии Тоҷикистон, баланд бардоштани мақому мартабаи омӯзгор ва маоши кормандони соҳаи маориф сипосгузоранд.
Заҳмати ҳампешаро ҳампеша медонад, ки чист,
Захми дасти кӯҳканро теша медонад, ки чист.
Панди шоир роҳнамоест ба ҳамкорону ҳампешагони Зебонисо Машрабова, зеро онҳо аз заҳмату таҷриба ва хизматҳои ӯ дар рушди соҳаи маориф ва тарбияи наслҳои ояндасози миллат огоҳии комил доранд.
Тули фаъолияти омӯзгорӣ садҳо нафар шогирдони Зебонисо Машрабова мактабро хатм намуда, дар коллеҷу донишгоҳҳо таҳсил доранд ва қисми зиёдашон дар корхонаву муассисаҳо фаъолият дошта, дар пешрафту шукуфоии Тоҷикистони соҳибистиқлол ҳиссагузоранд.
Имрӯз вай наслҳои ояндасози миллатро дар руҳияи ифтихор аз давлату миллати хеш ва арзишҳои миллӣ ба камол мерасонад. Миёни омӯзгорони шаҳри Бохтар, ҳамкорону шогирдон ва мардум ин зани меҳнатӣ, омӯзгори варзида эҳтироми хосаро соҳиб гардидааст.
Зебонисо Машрабова нашри китобҳои муқаддаси «Тоҷикон»-и Қаҳрамони Тоҷикистон Бобоҷон Ғафуров ва «Шоҳнома»-и безаволи Ҳаким Фирдавсии Тусиро, ки бо иқдоми Президенти Ҷумҳурии Тоҷикистон муҳтарам Эмомалӣ Раҳмон ройгон дастраси мардуми шарифи Тоҷикистон гардонида шуданд, эҳтирому арҷгузорӣ ба таъриху тамаддуни миллати тоҷик арзёбӣ менамояд.
Ду фарзанди муаллим – Рамзия ва Сайфура пайрави модари худ гардида, касби пуршарафи омӯзгориро интихоб кардаанд. Ҳамсараш Карим Машрабов китобдори мактаб буда, фарзандони дигараш Сангалӣ ва Муродҷон хонандагони ҳамин дабистон ва Шамсия бошад, менеҷери ширкати «Мегафон» мебошанд. Оилаи онҳо соҳибмаърифат ва аҳлу тифоқ буда, дар шукуфоии Ватан ҳиссагузор аст.
Хишти аввал чун ниҳад меъмор каҷ,
То ба охир меравад девор каҷ.
Шаҳло Холова омӯзгори синфҳои ибтидоии дабистони №6-и шаҳри
Бохтар буда, имрӯз ба таълиму тарбияи хонандагони синфҳои ибтидоӣ машғул мебошад.
Шаҳло Холова соли 1996 Донишгоҳи давлатии Бохтарро бомуваффақият хатм намуда, дари илму дониш барояш боз гардид. Ӯ аз устодони варзида ва профессорони донишгоҳ сабақ гирифта, сатҳи маърифатнокӣ ва ҷаҳонбиниашро такмил дод.
Шаҳло Холова собиқаи 30-солаи корӣ дошта, 8 сол ба сифати мутахассиси шуъбаи ташкилӣ ва кор бо кадрҳои Мақомоти иҷроияи ҳокимияти давлатии вилоят фаъолият намуда, 22 сол боз дар дабистони №6 ба таълиму тарбияи насли наврас машғул мебошад.
Аз баланд бардоштани маоши омӯзгорон ва ба тасвиб расидани Қонуни Ҷумҳурии Тоҷикистон «Дар бораи мақоми омӯзгор» шоду ифтихорманд буда, аз сиёсати маорифпарваронаи Ҳукумати Ҷумҳурии Тоҷикистон, бахусус Пешвои муаззами миллат муҳтарам Эмомалӣ Раҳмон сипосгузор аст, ки барои омӯзгорон бо бунёди мактабҳои наву замонавӣ, дастгоҳу таҷҳизоти муосир шароити арзандаи корӣ фароҳам овардааст.
Дар ҷавоби ғамхориҳои падаронаи Пешвои миллат ӯ ва ҳазорон омӯзгори дигар пайваста талош меварзанд, ки насли ояндасози миллатро дар руҳияи баланди ватандӯстӣ, эҳтиром ва арҷгузорӣ ба таъриху тамаддуни миллат, муқаддасот ва арзишҳои миллӣ ба камол расонанд.
Воқеан, муаллимӣ ишқ аст – ишқи дӯстдории Ватан, дӯстдории шогирдон, садоқат ба меҳан ва давлату миллати хеш. Шаҳло Холова аз ҳамин дарича ба ҷаҳони муаллимӣ – омӯзгорӣ ва тарбияи наслҳои ояндасози миллат менигарад.
Саидзода Шералӣ
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РӮЗИ БАЙНАЛМИЛАЛИИ ОИЛА- ҶАШНИ МЕҲР ВА ҲАМДИГАРФАҲМӢ
ҶАВОНОН ВА МАСЪУЛИЯТИ ОИЛАДОРӢ
ҲАБИБ САФАРОВ. ЗИНДАГИНОМАИ ҚАҲРАМОНИ 102 – СОЛА
ҲАМОИШ БАХШИДА БА РӮЗИ БАЙНАЛМИЛАЛИИ ОИЛА
Ҷ. Балхӣ. Мумфаршкунии 6 километр роҳ оғоз гардид
БОХТАР: РАИСИ ВИЛОЯТИ ХАТЛОН БО ҶАРАЁНИ СОХТМОНИ БЕМОРХОНАИ БЕМОРИҲОИ ДИЛ ВА МАРКАЗИ ЭНДОКРИНОЛОГӢ ШИНОС ШУДАНД
