Маҷаллаи Сафо
Шеъру адаб
Чеҳра
Маслиҳати муфид
Номаҳо
Нақши воситаҳои ахбори омма дар пешгирии коррупсия
Дар шаҳри Бохтар бо иштироки сармуҳаррирон ва аҳли эҷоди нашрияҳои даврии вилоятӣ мизи мудаввар таҳти унвони «Нақши воситаҳои ахбори омма дар пешгирии коррупсия» баргузор шуд, ки дар он масъалаҳои муҳими тақвияти мубориза бар зидди ин зуҳуроти номатлуб мавриди баррасии амиқ қарор гирифтанд.
Мизи мудавварро сармуҳаррири рӯзномаи «Хатлон» Носирҷон Маъмурзода ифтитоҳ бахшида, таъкид намуд, ки муқовимат ба коррупсия яке аз самтҳои калидии фаъолияти эҷодии воситаҳои ахбори омма маҳсуб меёбад. Дар шароити имрӯза, ки ҷомеа ба иттилооти дақиқу боэътимод ниёз дорад, нақши журналистикаи масъул дар ташаккули афкори ҷамъиятӣ ва баланд бардоштани маърифати ҳуқуқии шаҳрвандон бештар мегардад.
Зикр гардид, ки бо такя ба сиёсати хирадмандонаи роҳбарияти олии кишвар ва дар доираи санадҳои меъёрии ҳуқуқӣ, аз ҷумла Стратегияи давлатии муқовимат ба коррупсия барои давраи то соли 2030, аҳли эҷоди нашрияҳо талош доранд маводи таҳлилӣ ва воқеъбинонаро бештар пешниҳоди хонандагон намоянд.
Дар идомаи суханронӣ таъкид шуд, ки имрӯз фаъолияти ВАО танҳо ба чопи матлабҳо маҳдуд намешавад. Рушди технологияҳои иттилоотӣ ва истифодаи фаъоли шабакаҳои иҷтимоӣ фазои наве барои таъсиррасонӣ ба аудитория фароҳам овардааст. Маҳз тавассути ин имкониятҳо метавон паёмҳои муҳими зиддикоррупсиониро ба доираи васеи ҷомеа расонд.
Сипас, нозири шуъбаи муқовимат бо коррупсияи Раёсати Агентии назорати давлатии молиявӣ ва мубориза бо коррупсия дар минтақаи Бохтар Ҷамшед Саидамирзода доир ба самтҳои афзалиятноки сиёсати давлатӣ дар ин самт ибрози назар намуд. Ӯ зикр кард, ки татбиқи Стратегияи давлатӣ пеш аз ҳама ба таҳкими шаффофият, баланд бардоштани масъулияти мансабдорон ва рақамикунонии хизматрасониҳои давлатӣ равона гардидааст.
Ба гуфтаи мавсуф, ҷалби фаъоли ҷомеаи шаҳрвандӣ ва ҳамкории зич бо воситаҳои ахбори омма метавонад дар коҳиш додани омилҳои коррупсионӣ нақши муассир бозад. ВАО, ҳамчун пули иртибот миёни давлат ва ҷомеа, уҳдадор аст бо инъикоси воқеъбинона ва таҳлили амиқи масъалаҳо ба баланд бардоштани сатҳи огоҳии аҳолӣ мусоидат намояд.
Дар рафти ҳамоиш иштирокдорон оид ба роҳҳои тақвияти ҳамкориҳо, баланд бардоштани сифати маводи журналистӣ, истифодаи жанрҳои таҳқиқотӣ ва густариши корҳои фаҳмондадиҳӣ мубодилаи афкор анҷом доданд. Таъкид гардид, ки мубориза бо коррупсия раванди дарозмуддат буда, ташаккули маърифати ҳуқуқӣ ва масъулияти шаҳрвандиро талаб мекунад.
Дар анҷоми мизи мудаввар зикр шуд, ки танҳо дар натиҷаи ҳамоҳангии фаъолияти мақомоти давлатӣ, ҷомеаи шаҳрвандӣ ва воситаҳои ахбори омма метавон ба натиҷаҳои назаррас ноил гардид.
М. Маҳмадалиев
«САФО»
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РӮЗИ БАЙНАЛМИЛАЛИИ ОИЛА- ҶАШНИ МЕҲР ВА ҲАМДИГАРФАҲМӢ
ҶАВОНОН ВА МАСЪУЛИЯТИ ОИЛАДОРӢ
ҲАБИБ САФАРОВ. ЗИНДАГИНОМАИ ҚАҲРАМОНИ 102 – СОЛА
ҲАМОИШ БАХШИДА БА РӮЗИ БАЙНАЛМИЛАЛИИ ОИЛА
Ҷ. Балхӣ. Мумфаршкунии 6 километр роҳ оғоз гардид
БОХТАР: РАИСИ ВИЛОЯТИ ХАТЛОН БО ҶАРАЁНИ СОХТМОНИ БЕМОРХОНАИ БЕМОРИҲОИ ДИЛ ВА МАРКАЗИ ЭНДОКРИНОЛОГӢ ШИНОС ШУДАНД
