Маҷаллаи Сафо
Шеъру адаб
Чеҳра
Маслиҳати муфид
Номаҳо
БОНУИ СОДИҚИ ВАТАН
Ман нақши модарону бонувони тоҷикро аз оғози фаъолияти сиёсии худ то имрӯз бениҳоят баланд арзёбӣ менамоям. Зеро онҳо аз рӯзҳои аввал сиёсати пешгирифтаи Роҳбари давлатро дар барқарорсозии сулҳ, сарҷамъ намудани мардуми тоҷик, ҳифзи истиқлолу озодӣ ва дигар масъалаҳои давлатдорӣ на фақат самимона дастгирӣ намуданд, балки барои амалӣ гардидани ҳадафҳоидавлати тозаистиқлоли тоҷикон кумак ва саъю талошҳои зиёд карданд.
Эмомалӣ Раҳмон
Занону бонувони тоҷик аз насли занони қаҳрамону ватандӯсти ориёӣ мебошанд ва озодиву иззату иффати аҷдодии худро дар шароит ва рӯзгори нав ҳифз кардаанд. Зане, ки босавод ва соҳибмаърифату соҳибҳунар мебошад, илова ба тарбияи фарзанд, дар пешбурди ҳадафҳои давлат, ободии Ватан ва раванди созандагӣ фаъолона ширкат меварзад ва дар эъмори ҷомеаи демокративу дунявӣ ва озоду пешрафта саҳми арзишманд мегузорад.
Хушбахтона тайи солҳои соҳибистиқлолии мамлакат зери таваҷҷуҳу ғамхориҳои Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон занону бонувони мамлакат бо истифода аз имкониятҳои Ҳукумати Ҷумҳурии Тоҷикистон баробари мардон дар ҳама соҳаҳои мамлакат кору фаъолият намуда истодаанд.
Модарону бонувон хазинаи бебаҳое мебошанд, ки тамоми меҳру муҳаббат ва умри азизи худро дар роҳи тарбияи фарзандони солиму солеҳ, босаводу соҳибмаърифат, хушахлоқу боадаб, ба ҳаёти мустақилона омода намудани онҳо ва сариштаи рӯзгор сарф месозанд. Яке аз чунин бонувони пайрави асили Пешвои муаззами миллат, собиқадори ҳизбу меҳнат дар шаҳри Кӯлоб, Валиева Саъбагул ба шумор мераванд. Ғайрату матонат, ҷасорату самимият, меҳнатдӯстиву ватанпарастӣ, руҳи шикастнопазиру ба сахти тобовар, дили ҷавону зиндагии ибратбахш аз хислатҳои наҷибе ба шумор мераванд, ки муаллимаи азизу гиромиқадри мо Валиева Саъбагулро маъруфу маҳбуби дилҳои пиру ҷавони шаҳри бостонии Кӯлоб гардонидааст.
Ҳангоме ки аз минбар сухан мегӯяд сиёсатмадорест, ки дар рагу пайванди ҷонаш меҳри ватандорӣ шуълавару дар ҷараён аст. Дар рӯзгордорӣ зани пурҳунару дар тарбияи фарзанд сахтгиру серталош аст. Муаллима Валиева Саъбагул аз зумраи бонувони муваффақи шаҳри бостонии Кӯлоб аст, ки бо иродаи мардонаи худ махсусан дар давраи барқарорсозии сохти конститутсионии Ҷумҳурии Тоҷикистон ва минбаъд дар рушди фаъолияти Кумитаи иҷроияи Ҳизби Халқии Демократии Тоҷикистон дар шаҳри Кӯлоб саҳми назарраси худро гузоштаанд. Ин бонуи муваффақ ва модари ҳалиму меҳрубон фаъолияти худро аз мураббии боғча оғоз намуда, то ба зинаҳои роҳбарикунанда омада расидаанд.
Саъбагул Валиева бо унвони Аълочии фарҳанги Ҷумҳурии Тоҷикистон, Аълочии фахрии Вазорати маориф ва илми Ҷумҳурии Тоҷикистон, медали Хизмати шоиста, Медали 30-солагии Ҳизби Халқии Демократии Тоҷикистон қадрдонӣ гардидааст. Саҳми бесобиқаи ӯ дар тарбияи ҷавонон хеле зиёд ҳаст. Натиҷаи фаъолияти пурсамараш ҳаст, ки имрӯзҳо дар ҳама чорабиниҳои фарҳангию сиёсӣ ӯ гули сари сабад аст.
Ӯ дорои мактаби махсуси худ ҳаст, имрӯзҳо дар ҳамаи зинаҳои роҳбарикунандаи сатҳи вилоятиву ҷумҳуриявӣ шогирдони муаллима кору фаъолият намуда, бо ифтихор аз хизматҳои ин шахсияти раҳнамунсоз сухан меронанд. Ҳамчун як зан-бонуи тоҷик ба либоси миллӣ эҳтироми хосса дорад ва ба бар кардани онро барои ҷавондухтарон ифтихору масъулият медонад.
Бо либоси зебои тоҷикона, ки хоси модарони шаҳри бостонии Кӯлоб аст соли 2020 дар назди Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон суханронӣ намуда, аз ҷониби роҳбари давлат баҳои баланд гирифтанд. Ҳангоми ҳамсуҳбат гардидан Пешвои муаззами миллат ба ин модари азизу меҳрубон, муаллима Валиева Саъбагул таъкид доштанд, ки фаъолиятро идома дода насли ҷавонро тарбия намоянд. Айни замон ин бонуи зебову ҳамешаҷавон Валиева Саъбагул дар Донишгоҳи давлатии Кӯлоб ба номи Абӯабдуллоҳи Рӯдакӣ ба омӯзгорӣ машғул буда, насли ҷавонро дар руҳияи ватандустиву хештаншиносӣ тарбия намуда истодаанд.
Муаллима Саъбагул Валиева ҳамеша дар байни мардум ҳастанд, натиҷаи ҳамин заҳматҳояш буд, ки вай дар тӯли ин ҳама фаъолият борҳо вакили Маҷлиси вакилони халқи шаҳру ноҳияҳои вилоят интихоб гардид. Ҳар нафаре, ки бо ин бонуи хушсухан дар маҳфиле ва ё маъракае нишастааст ҳатман пазмони шухиҳои намакинаш гардидааст.
Орзуи ҳар зан дар зиндагӣ ҳамин аст, ки фарзанд ба дунё овардану модар шудан насибаш гардад. Яъне модар мавҷудест, ки офаранда аст, фарзанд меофарад, барои тифли навзоди худ, ки ҳанӯз як мавҷуди нотавон аст, 18 – 19 сол заҳмат кашида, ӯро ба як инсони неруманду тавоно табдил медиҳад ва то зинда аст, ҳозир аст, ки ҳастии хешро фидои фарзандаш созад. Маҳз ба ҳамин хотир, модарро «фариштаи меҳр», «олиҳаи покӣ» ва «мавҷуди муқаддас» меноманд.
Валиева Саъбагул модари чор фарзанд, ду келин ва даҳ набера буда, худро модар ва бибии хушбахт меҳисобад. Аз замони қабули туҳфаи Пешвои муаззами миллат “Шоҳнома”-и устод Абулқосим Фирдавсӣ ба ин хонадон бо раҳнамоии ин бонуи соҳибтаҷрибаву хирадманд наберагон ба аз бар кардани абёти ин асари безавол машғуланд. Саъбагул Валиева фаъолияти чилсолаи кории модарашро ба ёд оварда, бо ифтихор мегӯяд, ки аз рӯзҳои аввали даврони истиқлолият дар таблиғи сулҳу ваҳдат будам, ҳастам ва хоҳам монд.
Дар ин ҷода мо шогирдон ба муаллима умри дарозу тани сиҳат орзумандем ва дар симои ӯ тамоми бонувони фаъоли шаҳри Кӯлоби бостониро бахшида ба "Рӯзи Модар" табрику таҳният мегӯем.
Шаҳноза Нусратова, вакили Маҷлиси вакилони халқи шаҳри Кӯлоб
Добавить комментарий
Ахбор
ЛЕВАКАНТ. НИЁЗМАНДЕ СОҲИБИ ХОНА МЕШАВАД 14:55ХАТЛОН: ИҶРОИ НАҚШАИ ҚАБУЛИ ПИЛЛА БА 76,9 ФОИЗ РАСИД 14:32ХАТЛОН: СОДИРОТИ 200 ТОННА МАҲСУЛОТИ КИШОВАРЗӢ БА БОЗОРҲОИ ХОРИҶӢ 14:28МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ 14:18ЧАРОҒИ МАЪРИФАТ ВА ОФАРАНДАИ ФАРДО 14:23ХАТЛОН: РАВАНДИ БАРҚАРОРСОЗИИ КАНАЛИ ОБРАСОНИ ЁВОН-АБДУРАҲМОНИ ҶОМӢ–ХУРОСОН ЗЕРИ НАЗОРАТИ РОҲБАРИЯТИ ВИЛОЯТ 14:13ҲАБИБ САФАРОВ. ЗИНДАГИНОМАИ ҚАҲРАМОНИ 102 – СОЛА 14:06ХАТЛОН: СОДИРОТИ МАҲСУЛОТИ КИШОВАРЗӢ БА БОЗОРҲОИ ХОРИҶӢ ТАВСЕА МЕЁБАД 14:01
Маҷаллаи №6-2019
Серхонандаҳо
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД
ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД
ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД
Нақши воситаҳои ахбори омма дар пешгирии коррупсия
Дастони пурэъҷоз
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
АЗ ХУТАН ТО КУВАЙТ
К И Т О Б Д О Р
