Насби дурбинҳои назоратӣ дар партовгоҳҳо

Бо ибтикори Сарраёсати ҳифзи муҳити зисти вилояти Хатлон дар партовгоҳҳои муваққатии шаҳру ноҳияҳои ҳудуди вилоят дурбинҳои мушоҳидавӣ насб карда мешавад. Иқдоми мазкур имкон медиҳад, ки вазъи тозагӣ дар марказҳои маъмурии шаҳру ноҳияҳо беҳтар гардад.

Тавре зимни суҳбат сардори ниҳоди болозикр Қурбоналӣ Собирзода иброз кард, аллакай дар назди чанде аз нуқтаҳои партовпартоии муваққатии шаҳру ноҳияҳои Бохтар, Шаҳритус ва Хуросон дурбинҳои назоратӣ насб гардида, ҳамин гуна иқдом дар дигар шаҳру ноҳияҳо низ роҳандозӣ карда мешавад.

Гуфта шуд, ки барои мушоҳида кардани нуқтаҳои партов дар Сарраёсат монитори калон насб карда шудааст ва назорати доимӣ имконият медиҳад, то реҷаи партофтани партов пурра риоя гардида, ҳолатҳои қонуншиканӣ сари вақт ошкор ва нисбати чунин ашхос чораҳои зарурӣ андешида шавад.

Ба андешаи Қурбоналӣ Собирзода то имрӯз ҳолатҳои зиёди партофтани партов дар канори роҳҳо, заминҳои кишоварзӣ ва ҷойҳои сукунати аҳолӣ ба мушоҳида мерасад. Ин амали баъзе аз сокинон боиси ифлосшавии обу ҳаво, замин ва сар задани ҳар гуна бемориҳо мегардад.

-Насби дурбинҳои мушоҳидавӣ дар доираи сиёсати давлатии ҳифзи муҳити зист амалӣ гардида, барои баланд бардоштани масъулияти шаҳрвандии сокинон равона карда шудааст. Умедворем, ки ин иқдом метавонад барои беҳтар гаштани тозагии ҳифзи муҳити зист мусоидат намояд, - гуфт Қ. Собирзода.

Сулаймон СУЛТОНОВ

Похожие новости:

Добавить комментарий

Ахбор

ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР 11:06 МАҲБУБИ КӮДАКОН 10:48 2025 – СОЛИ ФАТҲИ ҲАДАФҲОИ БУЗУРГ ДАР ХАТЛОН 10:39 ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 10:29 ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ 10:34 Дар Хатлон 600 ҳазор дарахт шинонида мешавад 14:36 ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД 14:11 Бохтар. 1,5 километр роҳ мумфарш карда шуд 15:13

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 «ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР» Бохтар. 1,5 километр роҳ мумфарш карда шуд ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД Дар Хатлон 600 ҳазор дарахт шинонида мешавад ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ МАҲБУБИ КӮДАКОН 2025 – СОЛИ ФАТҲИ ҲАДАФҲОИ БУЗУРГ ДАР ХАТЛОН