КОРУ ПАЙКОРИ СОЗАНДА ТАҚОЗОИ ЗАМОН АСТ

Имрӯз, 24 май, дар маҷлисгоҳи Мақомоти иҷроияи ҳокимияти давлатии ноҳияи Фархор ҷаласаи кории раиси вилояти Хатлон Давлаталӣ Саид баргузор гардид. Дар кори ҷаласа роҳбари дастгоҳи раиси вилоят, роҳбарони ташкилоту муассисаҳои дахлдори вилоятӣ, сохторҳои ноҳиявӣ, раисони ҷамоатҳо ва хоҷагиҳои деҳқонӣ иштирок намуданд.

Раиси вилояти Хатлон Давлаталӣ Саид зимни суханронии худ ба дастуру супоришҳои Пешвои миллат муҳтарам Эмомалӣ Раҳмон, ки 17 май дар ноҳияи Данғара дар семинар-машварати ҷумҳуриявии кишоварзон ироа гардида буданд, такя намуда, таъкид доштанд, ки роҳбарони сохтору мақомоти давлатӣ дар сатҳи вилоят ва ноҳия бояд бо истифода аз тамоми имконияту захираҳои мавҷуда барои ислоҳи камбудиҳо ва норасоии ҷойдошта фавран чораҷӯӣ намоянд.

Дар ҷараёни ҷаласа раиси вилоят вазъи воқеии соҳаҳои иқтисодӣ, бахусус саноат, кишоварзӣ ва дигар бахшҳоро таҳлил намуда, оид ба фаъолияти муназзами бахшҳои мухталиф, баланд бардоштани самаранокии истеҳсолот, маданияти истифодаи замину об, ҳамчунин сатҳу сифати корҳои созандагиву ободонии ноҳия изҳори назар карданд.

Ҳамзамон, бо ишора ба таҳдиду хатарҳои ҷаҳони муосир ва тағйирёбии иқлим, раиси вилоят зарур шумурданд, ки барои таъмини амнияти озуқаворӣ ва коҳиши вобастагии бозори истеъмолӣ аз маҳсулоти воридотӣ тамоми имкониятҳо самаранок истифода шаванд.

Таъкид шуд, ки танҳо бо заҳмати содиқонаи ҳар як сокини ноҳия, бахусус роҳбарон, кишоварзон ва хоҷагиҳои деҳқонӣ, мо метавонем ба яке аз ҳадафҳои стратегии миллӣ, яъне таъмини амнияти озуқаворӣ, дастрасии аҳолӣ ба ғизои хушсифат ва беҳбудии сатҳи зиндагии мардум ноил гардем.

Раиси вилоят Давлаталӣ Саид масъулини дахлдорро муваззаф намуданд, ки иҷрои дурнамои кишти зироатҳо, аз ҷумла пахта, картошка, ғалладонагӣ ва лӯбиёгиҳо, инчунин кишти такрорӣ ва баланд бардоштани ҳосилнокии онҳо, рушди истеҳсоли маҳсулоти кишоварзӣ ва содироти он таъмин карда шавад.

Дар анҷоми ҷаласа Давлаталӣ Саид бори дигар масъулон ва фаъолони ноҳияи Фархорро ба заҳмати софдилона, азму талоши созанда, ватандӯстиву ватанпарастӣ ва риояи қатъии қонун даъват намуданд.

Хадамоти матбуоти раиси вилояти Хатлон

Похожие новости:

Добавить комментарий

Ахбор

ИШТИРОКИ РАИСИ ВИЛОЯТИ ХАТЛОН ДАР АКСИЯИ ВИЛОЯТӢ ТАҲТИ УНВОНИ "САҲМИ МАН - ДАР ОБОДИИ ВАТАН" 11:01 МУЛОҚОТИ РАИСИ ВИЛОЯТИ ХАТЛОН БО НАМОЯНДАГОНИ ШИРКАТИ "ГУРУҲИ СОХТМОНИ ЭНЕРГЕТИКИИ ЧИН" 15:15 ПЕШГИРИИ БЕМОРИИ СИЛ ДАР НОҲИЯҲОИ КУҲИСТОН 14:53 ЁВОН. МУМФАРШКУНИИ РОҲ БО ХАРҶИ 1,2 МИЛЛИОН СОМОНӢ 15:54 Ҷ. Балхӣ. 1,2 километр роҳ мумфарш карда мешавад 14:39 ХАТЛОН. 18 ИНШООТИ ВАРЗИШӢ БУНЁД ШУД 13:35 Бонки Осиёии рушд барои дастгирии занони деҳот дар вилояти Хатлон лоиҳаҳо амалӣ менамояд 11:32 РӮЗГОРИ ИНСОНИ НАҶИБ 11:26

Маҷаллаи №6-2019

Серхонандаҳо

СУХАНРОНИИ РАИСИ ВИЛОЯТИ ХАТЛОН МУҲАТАРАМ ДАВЛАТАЛӢ САИД ДАР ФОРУМ ВА НАМОИШГОҲИ БАЙНАЛМИЛАЛИИ САЙЁҲӢ “ХАТЛОН-ҚАЛБИ ГАРМИ САЙЁҲӢ” БЕШ АЗ 3 ТОННА МАВОДҲОИ ДОРУВОРӢ СӮЗОНИДА ШУД ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ ВАҲДАТИ МИЛЛӢ Кӯлоб. 25 километр роҳ мумфарш мегардад ЛЕВАКАНТ. КӮДАКОН БА ИСТИРОҲАТУ ФАРОҒАТ ФАРО ГИРИФТА ШУДААНД ХАТЛОН. 18 ИНШООТИ ВАРЗИШӢ БУНЁД ШУД Ба ҳам бошед, ёрон, дар муҳаббатхонаи ваҳдат ЁВОН. БЕШ АЗ 60 ҲАЗОР ТОННА МАҲСУЛОТИ ГУНОГУН ҶАМЪОВАРӢ ШУД НАҚШИ МАТБУОТИ ДАВРӢ ДАР ТАҲКИМИ СУЛҲУ СУБОТ ВА ВАҲДАТИ МИЛЛӢ ВАҲДАТ