26 июл 10:10АСОСӢ / Ахбор / Ҷамъият / Фарҳанг / Маориф / Иҷтимоъ / Мақомот / Иқтисод

НАҚШАҲО БАРЗИЁД ТАЪМИН ГАРДИДАНД

-Бо дарназардошти рушди воқеии иқтисодиёти вилояти Хатлон иҷрои нақшаи қисми даромади буҷети маҳаллӣ дар нимсолаи аввали соли 2024 аз рӯи контенгенти умумӣ ба андозаи 100,9 фоиз ва аз ҳисоби даромадҳои худӣ ба миқдори 100,5 дарсад таъмин гардид, - гуфт сардори Сарраёсати Вазорати молияи Ҷумҳурии Тоҷикистон дар вилояти Хатлон Ҳабибулло Иззатуллозода зимни нишасти матбуотӣ.

Қайд гардид, ки ба буҷет ба ҷои 1088,0 миллион сомонии нақшаи пешбинишуда, 1093,0 миллион сомонӣ ворид гардидааст, ки ин нишондод нисбат ба нақша 5 миллион сомонӣ ва нисбат ба ҳамин давраи соли гузашта 147,5 миллион сомонӣ зиёд мебошад.

Хароҷоти маблағҳои буҷети маҳаллӣ дар доираи иҷрои воқеии буҷет ба роҳ монда шуда, ба соҳаҳои хоҷагии халқи вилоят бо назардошти маблағҳои мақсадноки ҷумҳуриявӣ 1618,6 миллион сомонӣ равона карда шудааст, ки 99 фоизи нақшаи хароҷоти буҷети маҳаллии вилоятро ташкил медиҳад.

Иттилоъ дода шуд, ки барои пардохти музди меҳнат ва дигар моддаҳои ҳимояшаванда аз ҳисоби буҷетҳои маҳаллӣ вобаста ба воридоти маблағҳои даромад дар давраи ҳисоботӣ 1348,2 миллион сомонӣ равона гардида, 83,8 фоизи хароҷоти пешбинишударо дар бар мегирад.

Дар сатҳи вилоят қарздории музди меҳнат мавҷуд намуда, рухсатпулии омӯзгорон ба маблағи 219,8 миллион сомонӣ пурра пардохт гардидааст.

С. СУЛТОНОВ

Похожие новости:

Добавить комментарий