“Бохтар ФУД” баргузор мегардад

                       
   Дар маркази маъмурии вилояти Хатлон- шаҳри Бохтар Форуми байналмилалии содиротии “Бохтар Фуд” баргузор мегардад. Ин иқдом бо ибтикори Агентии содироти назди Ҳукумати Ҷумҳурии Тоҷикистон рӯзи 25-уми майи соли ҷорӣ баргузор хоҳад шуд. 
   Аз Раёсати рушди иқтисод ва савдои вилоят иттилоъ доданд, ки ҳадафи баргузор кардани ин форум, мусоидат ба содирот тавассути рушди савдои маҳсулоти кишоварзӣ ва роҳандозии робитаҳои тиҷоратӣ буда, дар он бузургтарин истеҳсолкунандагони маҳсулоти меваю сабзавоти Тоҷикистон, алалхусус вилояти Хатлон иштирок хоҳанд кард. Инчунин харидорон аз кишварҳои хориҷӣ низ даъват шудаанд.
   Дар доираи ин форум баргузории намоишгоҳи тиҷоратӣ, ташкили вохӯриҳои В2В ва В2G дар назар аст.
  Ёдовар мешавем, ки ин Форуми байналмилалӣ соли гузашта низ дар шаҳри Бохтар баргузор гардида буд, ки дар доираи он ҳашт созишномаи ҳамкорӣ дар самти тиҷорат ба имзо расида буд.
Сулаймон СУЛТОНОВ

Похожие новости:
Добавить комментарий