3,5 ҲАЗОР МУРҒИ ГӮШТӢ БА БОЗОР БАРОВАРДА ШУД

   Дар Ҷамоати деҳоти “Наврӯз”-и ноҳияи дурдасти Носири Хусрав бо ташаббуси соҳибкори маҳаллӣ Ислом Абдиев корхонаи парвариши парандаи гӯштӣ бунёд гардид, ки дар он 20 нафар сокинони маҳаллӣ бо ҷойи кори доимӣ ва маоши хуб таъмин гаштанд.
   Тавре аз мақомоти иҷроияи маҳаллии ҳокимияти давлатии ноҳияи Носири Хусрав ба “Сафо” иттилоъ доданд, аллакай ин корхона 3,5 ҳазор мурғи гӯштиро парвариш карда, бо бозорҳои ҳудуди вилоят ба фурӯш баровардааст.
   Дар ин корхона тамоми шароити парвариш хуб ба роҳ монда шуда, масъулин нақша доранд, марҳила ба марҳила саршумори мурғро зиёд намоянд ва дар таъмини амнияти озуқавории мамлакат ҳиссаи арзандаи хешро гузоранд. 
Сулаймон СУЛТОНОВ 

Добавить комментарий
Маҷалаи №6-2019